لەگلەك ۋە ئارزۇ
مېھىرنىسا قۇربان
قولىدا بار بۈركۈت لەگلىكى،
يۈگۈرەيدۇ سەبىي بىر بالا.
دەيدۇ ئۇنى بەزىلەر يەنە،
گۈدەك، تېخى ئىشلىرى چالا.
يا بازاردىن سېتىۋالمىدى،
ياساپ چىقتى ئۆز قولى بىلەن.
ئۇچۇرماقچى بولدى شامالدا،
لەگلىكىنى ئىشەنچى بىلەن.
بىردە توختاپ بىردە يۈگۈرۈپ،
لەگلىكىگە قاراپ تويمايدۇ.
كۆككە ئۆرلەپ ئۈزۈپ لەگلەكمۇ،
چۈشۈپ كېتىپ ئوسال قىلمايدۇ.
لەگلەك ئۇچۇر دىگەندەك شامال،
چىقتى بۈگۈن غۇر-غۇر ھالەتتە.
ئېپ كېتەتتى ئۇچۇرۇپ يىراق،
بەزەن كۈچلۈك چىقىپ ئادەتتە.
ئەنە قاراڭ ئۇنىڭ لەگلىكى،
ئۇچۈپ چىقتى كۆكنىڭ قەرىگە،
يىنىك-يىنىك تارتىپ يىپىنى،
لەگلىكىنى قويماس مەيلىگە.
تاتلىققىنە خىيالغا چۆمدى،
لەگلەك ئەمەس ئۆزى ئۇچقاندەك،
قانات بولدى گويا لەگلىكى،
پەرۋاز قىلىپ كۆكنى قۇچقاندەك،
2017-3-31
87 قېتىم كۆرۈلدى | 2550325358 | ئەسەر يوللىغۇچى : | |
2017-4-14 15:18:52 | :يوللانغان ۋاقتى |
2017-4-15 19:08:45 | ikbal |
بۇ بالىلار شېئېرىڭىز ياخشى چىقىپتۇ ،يەنىمۇ تىرىشىڭ ،،،قەلىمىڭىزگە بەركەت تىلەيمەن . |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|