ئايال دىگەن

ئاتىكەم ئەيسا

 ئائىلىنىڭ باغچىسى ئايال دىگەن،

 پەرزەنىتنىڭ سايىۋىنى ئايال دىگەن.

ئەرلەرنىڭ غەمخانىسى ئايال دىگەن ،

 ئەۋلادنىڭ تەربىيچىسى ئايال دىگەن.

 دۇنيانىڭ بىر بۆلىگى ئايال دىگەن ،

 ھاياتلىقنىڭ يىلتىزى ئايال دىگەن .

 ھايات دىمەك،زىمىن دىمەك ،ئانا دىمەك،

 شۇڭلاشقا شۇنچە ئۇلۇغ ئايال دىگەن.

 بىر قۇلىدا بۆشۈك تۇرار بىر قولىدا دۇنيا دىگەن،

 ھەقىقەتنىڭ گۇۋاھچىسى ئايال دىگەن .

 قەدرىنى قىلمىسا گەر ئۆز ئۆزىنىڭ ،

ھەممىنىڭ گومرانچىسى ئايال دىگەن.

 بىر تامچىمۇ ياش ئاقمىسا كۆزلىرىدىن،

 نىمە دىگەن بەخىتلىك ئايال دىگەن.

 ھەممە قىلسا بىر بىرىنىڭ قەدرىنى،

 نەقەدەر گۈزەل ئىدى دۇنيا دىگەن.