خەۋىرىم يوق

ئابدۇمىجىت ئىمام

خەۋىرىم بار بۇغداي نىمە؟! ئاق نان نىمە؟!

لىكىن خامان تېپىشلاردىن خەۋىرىم يوق .

خېمىرچەيلەپ كوسەي تۇتۇپ تونۇرغا ھەم ،

راسلاپ ناننى يېقىشلاردىن خەۋىرىم يوق.

ئىزدەپ يۈرمەڭ مەندىن شائىر خسلىتىنى،

ئوتلۇق غەزەل يېزىشلاردىن خەۋىرىم يوق.

مازاق قىلماڭ بەلگە يىتەر سۇدا ئۈزسەم ،

دولقۇن يېرىپ ئېقىشلاردىن خەۋىرىم يوق.

سوداقىلدىم سەۋەپ قىلدىم رىسقىم خۇدا،

ھارام پايدا ئېلىشلاردىن خەۋرىم يوق.

نوچىلارغا تىز پۇكلىنىپ خوپ ئەركىلەپ،

يۇۋاشقا مۇش ئېتىشلاردىن خەۋىرىم يوق .