ئاھ ئۇرما كۆڭۈل
( ياسىنجان سەلەيئاخۇن )
ھاياتتا بىشىڭغا كىلەر نۇرغۇن ئىش ،
ھەممىگە ئۆزۈڭنى ئۇپراتما كۆڭۈل .
بىر ياخشى بىر يامان كىلەر قوشماقتەك ،
ياخشىنى يامانغا ئوخشاتما كۆڭۈل .
ئۆزگىنىڭ كۆڭلىنى تۇرغىن ئاۋايلاپ ،
ئويۇن دەپ ئۆزگىنى قاخشاتما كۆڭۈل .
دوسلۇرۇڭ قەلبىگە ئازارلار بىرىپ ،
شەيتاننىڭ كۆڭلىنى ياشناتما كۆڭۈل .
ئاي كەبى يۈزلىرى تۇرسىلا چاخناپ ،
مەس بولۇپ گۈزەلگە قاش ئاتما كۆڭۈل .
گۈزەللىك بىلگىنكى بولۇر قەلىپتە ،
گۈزەل شۇ دىللارغا تاش ئاتما كۆڭۈل .
دۆلىتىڭ بار چاغدا بىشىڭدا ئەگىپ ،
كىتەلمەي يۈرگەننى دوس دىمە كۆڭۈل .
كۈن چۈشسە بىشىڭغا ، بولسا يېنىڭدا ،
دوس دىگەن ئەنە شۇ سىلكىمە كۆڭۈل .
گۈللىرىڭ ئىچىلسا بۇلبۇلدەك سايراپ ،
كۆيىمەن دىگەنگە ئىشىنمە كۆڭۈل .
توزىسا غۇنچىلەر كىتەركەن تاشلاپ ،
كەتكەنگە ئاھ ئۇرۇپ ئۆكۈنمە كۆڭۈل .
ئەقىدە قىلغان يار تاشلىسا بىر كۈن ،
تاشلىدى يارىم دەپ قايغۇرما كۆڭۈل .
قەدرىڭنى بىلمەسكەن قەدىرلىسەڭمۇ ،
ياش تۆكۈپ نامەرتكە يالۋۇرما كۆڭۈل .
ۋاپانىڭ قەدرىنى بىلمەس ۋاپاسىز ،
قىلغان شۇ ۋاپاغا ئىچىنما كۆڭۈل .
كارى يوق سەن ئۆلۈپ كەتسەڭمۇ بەلكىم ،
ئۇ ئۈچۈن دەرت تارتىپ يېغلىما كۆڭۈل .
بولمىساڭ ھىچقاچان شەيتانغا ئۆلپەت ،
تۈز يولدىن ئۆزۈڭنى قاچۇرما كۆڭۈل .
بىرلىرى ساتاركەن ۋىژداننى پۇلغا ،
ئۇلاردەك نامەرتكە ئاھ ئۇرما كۆڭۈل .
ياسىنجان سەلەيئاخۇن
كۈنەس ناھىيە ……
36 قېتىم كۆرۈلدى | 15599999871 | ئەسەر يوللىغۇچى : | |
2016-8-1 1:20:29 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|