ۋاپاسىزغا

مۇرادىڭغا يەتتىڭغۇ ئاخىر،
ۋەدىمىزنى ۋاقىتسىز بۇزۇپ.
يۈرىكىمگە سالدىڭغۇ خەنجەر،
مىنى ئاھۇ پەرياتقا قويۇپ.

قارىمايمەن ھەرگىز ئارقامغا ،
دىگەن سۆزۈڭ ئىسىڭدە تۇرسۇن.
ئاڭلا  سۆزۈم ئىنىق دەي ئەمدى ،
كەتكىن ساڭا يوللار كەڭ بولسۇن.

يىلىنىشىڭ ئارتۇقچە ئەمدى ،
ۋەدىمىزنى ئاۋال سەن بۇزغان.
ئالتۇن بەرسەڭمۇ پەرۋا قىلماسمەن،
ئۈمىد گۈلۈم بۇرۇنلا  سولغان.

مىڭىۋەر سەن  تاللىغان يولدا،
تىلىكىم بولغۇسى يوللىرىڭ ئوچۇق.
يوقالغان سۆيگۈنى ئىزدەپمۇ يۈرمە،
قەلبىمدە سەن ئۈچۈن قالمىدى يوچۇق.

     گۈلجامال يولۋاس(قەشقەر)                    

        2017-يىلى 5-ئاينىىڭ 20-كۈنى


      تەھرىرلىگۈچى :ئابلىمىتجان ۋاھاپ 

ئۇندىدار :qq1165181317

مۇھەررىر :ئابدۇقەييۇمجان ئابدۇسادىرى

ئۇندىدار :2041420589