ھاياتىمنىڭ چىن مەناسى سەن

ئەسرا

شۇنچە غەمسىز تەنتەك قىز ئىدىم،

 يۈرەكلىرى ساددا - بىغۇبار .

 قاچان سېنى ئۇچراتتىم جېنىم،

كۆزلىرىمدىن سۆيگۈ ئوت چاچار.

 نەپەسلىرىم ئوتلۇق ، ئۇرغۇلۇق ،

 ۋۇجۇدۇمغا سىڭىپ كەتكەچ سەن.

 چىن سۆيگۈڭ ھەم پاك ئەقىدەڭدىن ،

 سىماب كەبى ئېرىگەن جان- تەن.

 قەلبىمنىڭ سەن ئەزىز مېھمىنى،

 بىر ئۆمۈرگە كۈتەي سېنى مەن.

 ئايرىمىسۇن بىزنى ھەر كۈلپەت،

 ھاياتىمنىڭ چىن مەناسى سەن.