ھاياتمەن
مەخمۇتجان غوپۇر  «ئېقىن »

خىياللار  سۈرەر مۇڭسىرىغان كۆڭلۈم  ،  
پىنھاندا  مۇڭدىشىپ  سەن بىلەن ھەر چاغ.

قىينايدۇ جېنىمنى   سىرتماق  بۇلۇپ  ،
سەن  ماڭا  قالدۇرغان ھەسرەتلىك  شۇ داغ.

خۇشاللىق  ئىزلەيمەن  ئۆتمۇشلىرىمىدىن ،
قايغۇلا  ھەمنەپەس   تىنىقلىرىمغا .  
نەسەۋەپ   ھاياتمەن،  ھاياتمەن يەنە،
جۇدالىق ،ئايرىلش  ئازابلىرىدا .  

ئازابىم  ئىچىدە  سىنىڭ  ئوتلىرىڭ ،
ياندۇرۇپ   تۇرۇپتۇ  ھايات  شاممىنى .
شۇ  سەۋەپ ھاياتمەن  ھاياتمەن  يەنە ،
ياشايمەن  ئۆزۇمگە  ئېيتىپ  دەردىمنى .