دەڭلار

  ئابدۇللا كامال(گۇما)
   2098738086

بىۋاپا گەر قىلسا دىرىكىم،
ۋاپادارغا كۆنۈپتۇ دەڭلار.
پەقەت مىنى سۆيەتتى دىسە،
ئ‍ۈمۈدىنى ئ‍ۈزۈپتۇ دەڭلار.

سەندىن ۋاپا كەلمىگەچ ئ‍ەسلا،
باشقا جانان تۇتۇپتۇ دەڭلار.
ۋەدە قەسەم ئ‍ىچكەنتى دىسە،
ئ‍ۇمۇ ئەقىل تىپىپتۇ دەڭلار.

مەنسىز ھايات يۈرەلمەيتتى دەپ،
نالە قىلسا ئ‍ۆلۈپتۇ دەڭلار.
ئەشۇ نادان كۆڭلىنى گۆرگە،
ئازاپ ئ‍ىچرە كۆمۈپتۇ دەڭلار.

ئ‍ەقىدىسى خار بولغان يىگىت،
ئ‍ەمدى كۈلۈپ يۈرۈپتۇ دەڭلار.
ھىجرانىڭدا قوقاس يۈرەككە،
سۆيگۈ گۈلى ئ‍ۈنۈپتۇ دەڭلار.

سۆيگۈسىدىن زارىكەن گۈلى،
گۈلى خاندەك كۆرۈپتۇ دەڭلار.
ھەتتا دۇنيا  قىلاركەن ھەۋەس،
ئ‍ەنە سەنسىز كۈلۈپتۇ دەڭلار.

بىلىپ قىسسەم كۆزى ياش تۆكسە،
دەرھال ئ‍اڭا توپا چىچىڭلار.
دادۇ پەرياد ئ‍ۇرسا دەردىمدە،
بولدى ئ‍ۇندىن يىراق قىچىڭلار.

ئەزىز قىرىندىشىم، ئ‍ەسەرلىرىمنى ياقتۇرغىنىڭىزغا كۆپ تەشەككۈر، ئ‍ەمگىكىمگە ھۆرمەت قىلىپ، نامىمنى ئ‍ۆچۈرمەڭ  ياكى نامىڭىزغا كۆچۈرمەڭ.  ھۆرمەت بىلەن ئابدۇللا.
2016-8-31