ياشلىق دېگەندە
ئابدۇسالام ئابدۇللا

تاشنىمۇ زەردىدىن قىلۋېتەر تالقان،
قۇياشنىمۇ ئۆزىچە ياپىدۇ ئالقان.
توۋلايدۇ ئۆلۈمدىن باشقىسى يالغان،
ھاياتتىكى ئۆتەڭ-ياشلىق دېگەندە.

چىرايلادىن تاتلىق كۈلكە كەتمەيدۇ،
تۇرمۇش خىجالىتى بېشنى ئەگمەيدۇ.
بەڭباشلىقتىن ئەتىگە ئەقلى يەتمەيدۇ،
ھاياتتىكى ئۆتەڭ-ياشلىق دېگەندە.

ئۇچىدۇ بىلمەيدۇ قانداق چۈشۈشنى،
پۇرسەتنىڭ قولىنى قانداق تۇتۇشنى.
ئويلار كۆتەك تۈۋىدە توشقان كۈتۈشنى،
ھاياتتىكى ئۆتەڭ-ياشلىق دېگەندە.

يىگتنڭ ئۆمۈردىكى سۇمباتلىق چېغى،
قىزنىڭ يۈزىدە يوق تۇرمۇشنڭ دېغى.
چىگمىگەن بىلىنى تۇرمۇشنىڭ يىپى،
ھاياتتىكى ئۆتەڭ-ياشلىق دېگەندە.

شىردەك ھۆركىرەپ سالىدۇ چوقان،
زىتىغا تىگىلسە چىكىدىن ئاشقان.
ئاچچىقتىن قانلىرى بۇلىدۇ ۋولقان،
ھاياتتىكى ئۆتەڭ-ياشلىق دېگەندە.

ئۆزىگە شاھىنشاھ سورايدۇ زامان،
بارچىلەر ئايىغىنڭ ئاستدا ھامان.
ناھەققە چىدىماس خىيالدا پالۋان،
ھاياتتىكى ئۆتەڭ-ياشلىق دېگەندە.

 2016/12/18