ئاشىق ھەسرىتى

ئابلىمىت ئوسمان (مەرىپەت ئوغلى)

تۇنجى قىتىم كۆرگەندە سىنى،

 يۈرۈكۈمنى قىلدىڭ سەن قامال.

ئەسىر بولدۇم ئىشقى ئوتۇڭغا ،

 ۋىسالىڭغا يوقتۇر ھىچ ئامال.

ئۇنتاي دىدىم ھىچ ئۇنتالمىدىم،

 ئىلاجىم يوق ئەسلەشتىن بۆلەك.

دىدارىڭنى كۆرەلمەي جانان .

ئازابىڭدا قىينالدى يۈرەك .

ئۇزۇن كوچا، جىمجىت كېچىلەر،

پەقەت ھەمرا كۆكتە تۇلۇنئاي.

ھەسرىتىمدە كۆزدىن ئاقار ياش،

غېرىبانە قالدى كونا جاي .

كۈلگەندىكى ئوماق كۆزلىرىڭ ،

 ئوغۇرلاپتۇ يۈرەكلىرىمنى .

مەيىن شامال ، كۈيچى قۇشلاردىن،

 ئاڭلا سۆيگۈ تىلەكلىرىمنى.

راسىت دەپتىكەن ئەجەپ كونىلار،

 كۆيگىنىڭدىن كۆنگىنىڭ يامان.

ساڭا كۆيۈپ كۈنۈپ قاپتىمەن.

ۋىسالىڭغا يەتكۈزگىن جانان.