كۆرگىلى كىلىمەن كۆيگىلى ئەمەس
ھوشۇر ئامىرجان ئاتەشى
يار سېنى ئىزدەپ مەن يىراق -يىراقتىن ،
كۆرگىلى كىلىمەن ، كۆيگىلى ئەمەس !
زوق ئىلىپ بىر غەمزە پەرى سىياقتىن ،
كۆرگىلى كىلىمەن ، كۆيگىلى ئەمەس !
بۇرۇنقى ئاشىقلىق بولمايدۇ ئەمدى ،
ھارغاندۇ يۈرەكمۇ ، ئۇخلايدۇ ئەمدى ؟!
كۈن -تۈنمۇ تەڭلىشىپ توختايدۇ ئەمدى ،
كۆرگىلى كىلىمەن ، كۆيگىلى ئەمەس !
مۈمكىنمۇ تاڭ سەھەر كىرىپ ، كىلىشىم ؟
ئات سىلىپ يايلاقتىن چېپىپ كىلىشىم ؟
سەن ئۈچۈن سەۋداغا پىتىپ قىلىشىم ؟
كۆرگىلى كىلىمەن ، كۆيگىلى ئەمەس !
قولۇڭدىن ئۇچقان بەخت سېنىڭكى ئەمەس ،
سەنمۇ يات ھېچقاچان مېنىڭكى ئەمەس .
ئىبلىسمۇ سەن كەبى يالغانچى ئەمەس ،
كۆرگىلى كىلىمەن ، كۆيگىلى ئەمەس !
يوق ئەمدى خاتىرەمدە مۇبارەك نامىڭ ،
ئوۋىقى قالمىدى بىز ياققان شامنىڭ .
ئاشىقى بوپتىمەن ۋىجدانى كامنىڭ ،
كۆرگىلى كىلىمەن ، كۆيگىلى ئەمەس !
بەس ئەمدى سۆيمەيمەن شاتۇت بولساڭمۇ !
كانلارنىڭ ئىسىلى ياقۇت بولساڭمۇ !
ئېشقىمدا كۆيگۈچى بىر ئوت بولساڭمۇ !
كۆرگىلى كىلىمەن ، كۆيگىلى ئەمەس !
52 قېتىم كۆرۈلدى | ejran | ئەسەر يوللىغۇچى : | |
2016-12-30 1:50:12 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|