دادامنىڭ قولى

ھوشۇر ئ‍امىرجان ئ‍اتەشى تاجىك

پۇلاتتەك تاۋلايدۇ دادامنىڭ قولى ،
ئ‍ۇنىڭدا ھاياتنىڭ   غۇربىتى ئ‍ايان .
بالقىيدۇ تەپتىدىن قەتئىيلىك كۆيۈم ،
سۆيگەندەك قولىغا يۇلتۇزلۇق ئ‍اسمان .

 تۇرمۇشنىڭ تاتۇقى ياقايماس يارا ،
ئ‍ۇ قاپلاپ تۇرىدۇ ئ‍ىچى -تىشىنى
ئ‍ەبەددى دۇنيانى تەرك ئ‍ەتكەن بىلەن،
ئ‍ۇنتۇپ قالمايمەن قىلغان ئ‍ىشىنى .

دادامنىڭ قولىغا ھۇرمىتىم چەكسىز ،
ئ‍ۇنىڭدا بەخىتنىڭ گۇھىرى كۆمۈك .
ئ‍ۇپرىغان بىلەنمۇ ئ‍ۇ يەنە گۈزەل ،
چاقنايدۇ ئ‍ۇنىڭدىن ھالالىق ، ئ‍ۆزلۈك .  

ئ‍ۇ بەختىم گۈلتاجى ، ئ‍ۈنى پۈتمەس كۈي ،
ياڭرايدۇ تاغلارنى تىترىتىپ ھەيۋەت .
كىمنىڭمۇ بولمىغان نەۋقىران چېغى ؟
دادىنىڭ قەدرىنى بىلمگەن پەقەت !