ئۇنتالمىدىم (شېئىر) 

 پاتىگۈل ئاخۇنقارى

 كىم ئېيتىپتۇ ئۇنۇت دەپ پەرمان ،
قەلبىم بۇنىڭغا كۆتۇرەر ئېسيان .
ئۇنتۇش شۇنچە ئاسان بولسا گەر ،
بۇ يۈرەكلەر قىلمايتى غەليان .

كۆيگەن ئۆزۇڭ ،سۆيگەن ئۆزۇڭ ،
ئېغىر كەلدى يالغان سۆزۇڭ .
مەندىن كېچىپ كەتتىڭ يىراق ،
خاتا كۆردى سېنىڭ كۆزۇڭ.

كىملەر ئاڭلار بۇ دەردىمنى ،
دەرتتە قويۇپ كەتتىڭ مېنى .
ئۇنتۇش ئېغىر كەلدىغۇ ماڭا ،
سۆيگەن  ئىدىم يۈرەكتىن سېنى .

دەرتتە قالغان ھەممىدىن يامان ،
بولدى   ئەمدى تۈگىدى تامام .
ئۇنتۇش ئۈچۈن يازغان خېتىمنىڭ ،
تۈنجى سۆزى سۆيۇمەن  ھامان .