تاشلاپ كەتتىڭ

 ئ‍اپتۇرى: ئ‍ابدۇرسۇل ئ‍ەزىز

 تاشلاپ كەتتىڭ دەرتلەرگە،

 ئ‍ازاپ تېغىغا باستۇرۇپ.

 ئ‍ېلىپ قاچتىڭ يۈرەكنى،

 شامال كەبى ئ‍ۇچۇرۇپ.

 شاتلىقىمنى ئ‍وغۇرلاپ ،

 قايغۇ بەردىڭ دىلىمغا .

 زىمىستاننى چىللاپسەن،

 گۈل ئ‍ېچىلغان بېغىمغا .

 يىلان كەبى تولغۇنۇپ ،

 كېچە كۆزدە ئ‍ۇيقۇ يوق .

 تاشلاپ كىتىپ يار مىنى ،

 خوشاللىقتىن كۆڭلۈڭ توق.

 ئ‍ۇچۇپ كەتتىڭ كۆزۈمدىن ،

 غۇۋالاشتى چىرايىڭ .

 شاتلىق بەردىمۇ بىلمىدىم ،

 يېڭى تاپقان نىگارىڭ .