زارلىنىش

قادىر ئ‍ابلەت

يۈرەكلىرىم يىغلايدۇ قان-قان،

ئ‍ۆزۈم كۈلۈپ تۇرغىنىم بىلەن.

كۆڭلۈم ھىچبىر ئ‍ەمەس جايىدا،

 چاندۇرماستىن يۈرگىنىم بىلەن.

تاغدەك ھەسرەت باستى يەلكەمنى،

 بەخىت تىخى مىنىڭدىن يىراق.

 ئ‍ۆز-ئ‍ۆزۈمگە بىرىپ تەسەللى،

 كۈلۈپ يۈردۈم شۇندىمۇ بىراق.

تەسەللىيگە مۇھتاج شۇ قەدەر،

 پۇچىلانغان بۇ غىرىپ كۆڭلۈم.

 كىم چۈشىنەر بۇ قەلبىمنى دەپ،

كۈتۈش بىلەن ئ‍ۆتمەكتە كۈنۈم.

 چىدىيالماي دەرت-ئەلەملەرگە،

 ياشلار تۆكتۈم بەزىدە پىنھان.

 ئ‍ۇندىن باشقا ئ‍اماللار يوقتۇر،

 تۇرسا ئ‍ىنسان يالغۇز يارالغان.

 2016-1-9 خوتەن