سېغىنىش ئوتى

بىر ئاي بولدى ھېچ كۆرمىدىم دىدارىڭ،
سېغىندىم مەن تەبەسسۇملۇق روخسارىڭ.
ئۇچراشقاندا بېقىشقانتۇق قېنىشماي،
خۇشاللىقتىن گەپكە كەلمەي زۇۋانىم.

ھېچ يادىمدىن چىقماس بولدى ئاشۇ كۈن،
كۆزلىرىمگە ئۇيقۇ كەلمەس ھەتتا تۈن.
شۇ چاغدىكى كۆزلىرىڭنى ئەسلەيمەن،
سېغىنىشتا يىغلىۋەتتىم سېلىپ ئۈن،

مۇھەببەتنىڭ ھىدى بىلەن مەسىت قىلىپ،
باغلىۋاپسەن يۈرۈكۈمنى تۇيدۇرماي،
مۇمكىن بولسا ئۆتەر ئىدىم سەن بىلەن،
سۆيگۈمىزنىڭ غۇنچىسىنى سۇندۇرماي،

ئەركىن ئۈزۈپ يۈرەلمىدىم بېغىڭدا،
كۆرەلمىدىم سېغىنغاندا قېشىمدا،
كۆزلىرىڭگە قارىۋالاي تويغۇچە،
سىنىڭ بىلەن دىدارلاشقان چېغىمدا...

---تۇنساگۈل ئىسمائىل(قەشقىرى)
--2016-يىلى8-ئاينىڭ 6-كۈنى(شەنبە)