ئادىشىش
تۇرغۇنئاي ئۆمەر
تېپتېنىچ ئېقىندا يۈرەتتىم لەيلەپ ،
ھاياتنى شۇ كەبى تېپتېنىچ سېزىپ .
تۇيۇقسىز بىر دولقۇن كەلدى ئېقىنغا،
خىيالىم جۇش ئۇردى ئېقىننى كېزىپ.
مەڭزىمنى سۆيمەكچى بۇلاتتى دولقۇن،
تىترىگەن قەلبىمگە تەسەللى بېرىپ .
ئۆزۈمنى شۇ قەدەر مەزمۇت تۇتساممۇ،
قالاتتىم بەزىدە نىشاندىن ئېزىپ .
ھېسلىرىم ئۇنىڭغا باغلانسىمۇ گەر ،
قېچىشنى ئويلايتتىم ئۇنىڭدىن تېنىپ.
ۋەلېكىن بۇ كۆڭلۈم يول قويمايتتى ھېچ،
ئۆزۈمنى ئۇنتۇپلا قالاتتىم بېقىپ .
ئەزەلدىن ئۇنىڭغا تەۋە ئەمەستىم ،
ئۇمۇ ھەم ئادىشىپ قالغانتى كىرىپ .
نە سەۋەب باغلاندىم بۇنچىلىك مەھكەم،
ھېچ جاۋاپ تاپمىدىم قەلبىمنى قېزىپ .
ئەڭ شىرىن تۇيغۇنىڭ كەينىگە كىرىپ ،
قالدىمغۇ بىراقلا گۇناھقا پېتىپ .
ئايرىلىش قانچىلىك دەششەت بولسىمۇ ،
ماڭمىسام بولمايتى يولۇمنى تېپىپ.
تەھرىرلىگۈچى : ئابلىمىتجان ۋاھاپ
ئۈندىدار :qq1165181317
مۇھەررىر : ئابدۇقەييۇمجان ئابدۇسادىرى
ئۈندىدار : 2041420589
| 80 قېتىم كۆرۈلدى | تۇرغۇنئاي ئۆمەر | ئەسەر يوللىغۇچى : | |
| 2017-5-31 9:03:16 | :يوللانغان ۋاقتى | ||
بۇ تېمىغا تېخى ئىنكاس يېزىلماپتۇ
|
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
 |
