سېلىپ قويدۇڭ يۈرىكىمگە ئوت
تۇرسۇن ئىمىن شەيدايى
مەن يالغۇزلۇق تارتتىم قولۇم تۇت ،
غېرىپلىقتا يۈرمەي تەمتىرەپ .
سېلىپ قويدۇڭ يۈرىكىمگە ئوت ،
ئاھ ،ئاشىقلىق يامانكەن ئەجەپ !
ئاھ ،ئاشىقلىق يامانكەن ئەجەپ
بىل :سېغىنچىم ياسىدى قىيان .
دىدار ئىزدەپ ۋۇجۇدۇم تىترەپ ،
زەپ قىينىدى جېنىمنى پىغان .
زەپ قىينىدى جېنىمنى پىغان ،
تەشنالىققا سالالماي تېزگىن .
يوللىرىڭغا تەلمۈرۈپ ھەر ئان ،
تالجىقماقتا كۆزلىرىم ھارغىن .
تالجىقماقتا كۆزلىرىم ھارغىن ،
كەل ئامرىغىم باس باغرىڭغا چىڭ .
باغاشلىشىڭ نىشان سۆيگۈدىن ،
ئاقسۇن ماڭا ئاياۋسىز مېھرىڭ .
ئاقسۇن ماڭا ئاياۋسىز مېھرىڭ ،
يايرىسۇن دىل سۆيۈشلىرىڭدىن .
تاڭ ھۆسنىدەك نۇرلانغان چېھرىڭ ،
بەلگە بەرسۇن كۆيۈشلىرىڭدىن !
ئاپتور :بورتالا شەھەرلىك رادىئو -تېلىۋىزىيە ئىستانسىسىدىن
شىنجاڭ يازغۇچىلار جەمئىيىتىنىڭ ئەزاسى
2582 قېتىم كۆرۈلدى | xeydayi | ئەسەر يوللىغۇچى : | |
2017-4-14 20:39:50 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|