ئەرۋاھ چۈشى
ئابدۇۋەلى تۇرسۇن
كىم ئۇچرىسا سورايمەن :
- ئېسىمنى كۆردۈڭمۇ ؟دەپ.
ئۇمۇ مەندىن سورايدۇ :
-سەندىكىسى مېنىڭمۇ ؟ دەپ.
ئاۋات رەستە ئادەملەر تولا.
تونالمايمەن ھېچكىمنى.
چۈنكى ،
مېنىڭ خاتىرەم چالا.
ئۆچىرەتتە سالام ساقلايمەن -
كۆرۈشۈشكە نەدىكى چولا......
مەن سايەمنى قوغلايمەن.
سايەم مېنى ئىزلەيدۇ.
سايەم قېنى ،
مەن نەدە ؟
ئارىلىشىپ كەتتۇق.
مۆكۈ-مۆكۈلەڭ ئوينىغان مەھەللەدىن،
ئايرىلىپ كەتتۇق.
قىيسايغان بىنانىڭ كەينىدە ،
مومامنىڭ ھاسىسى قىيسىيىپ قاپتۇ.
توۋا ، دەيمەن -
خوشنىمىزنىڭ ئارزۇلۇق قىزى ،
توي كېچىسى دەججالغا ئايلىنىپ قاپتۇ.
ئالدىرايدۇ قۇياش كېتىشكە...
دالدا ئىزلەر ئايمۇ مۆكۈشكە...
پويىزنىڭ تاپىنىدىن ئۈنۈپ چىققان
چىغىر يولدا كۈتۈمەن ئۆتمۈشنى.
62 قېتىم كۆرۈلدى | arislan | ئەسەر يوللىغۇچى : | |
2016-3-15 18:34:58 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|