يامغۇرلۇق كۈنگە زارىقىش

 پاتىگۈل مۇھەممەد ياشنا

 يامغۇرلۇق بىر كۈنگە بولدۇم ئ‍ىنتىزار ،

 كۈتۈشلەر قەلىبنى ئ‍ىزەر مالتىلاپ .

ئازابلىق ئ‍ۈن سېلىپ يىغلايدۇ ئ‍اسمان ،

 ھۇما قۇشلىرىنىڭ بېشىنى سىلاپ .

 غۇنچىلار پورەكلەپ ئ‍ېچىلغان يازدا ،

 قوياش كۆز قىسىپ ،كۈلدى مەسخىرلىك .

 ھاياتقا كەينىمنى قىلىپ ئ‍ولتۇرسام ،

 يىللار سالىمىمنى ئ‍المىدى ئ‍ىلىك.

يامغۇرلۇق بىر كۈننى كۈتىمەن ئ‍ۇزاق ،

 تامچىلار قەلبىمگە بېرىدۇ پاكلىق .

مەنسۇپتۇر روھىممۇ يامغۇر پەسلىگە ،

 سىڭىمەن باغرىڭغا شۇ قەدەر تاتلىق.