ئۇنتىدىڭمۇ 

 قەلبىنۇر ياسىن

 ئۇنتىدىڭمۇ بىلـمىدىم ھېچبىر خەۋەر بەرمەيسەن ،

جاندىن ئۆتتى سېغىنىش بۇنى ئەسلا بىلـمەيسەن .

مەۋجۇتلۇقۇم بەرىبىر ئەسلەپ قوياي دېمەيسەن ، 

يۈرەكلىرىم لەختە قان بىر ھال سوراپ قويمايسەن .

شۇنچە ئۈمىد قىلساممۇ يانىمغا بىر كەلـمەيسەن ،

يۈرەكلىرىڭ تاشمۇ يا ئازراق ئېرىپ قويمايسەن . 

ئۆزگىلەرگە شۇنچىلىك پەرۋانە بوپ يۈردۈڭسەن ، 

 نېچۈن ماڭا بىرەررەت خۇش چىرايلار ئاچمايسەن .

مەيلى جېنىم سېنىڭدىن رەنجىمەيمەن بىلگەيسەن ، 

 پەقەت ساڭا خۇشاللىق بەخىت ئامەت تىلەيمەن .

 نەھاجەتتۇر رەنجىشلەر يۈز يىل ئۆمۈر كۆرمەيمەن ، 

بۈگۈن ھايات يۈرگەنلەر ئەتە بارمۇ بىلـمەيمەن .