سۆيگۈ
سەيپىدىن ئامۇت
يۇلتۇزلارنىڭ ئاراچلىرىدىن،
جۇلا ئۇرغان بىر نۇرسەن گويا.
چەكسزلىكتە كۆكسۈمدىكى ھېس،
قۇۋۋىتىڭدە ئاچتى ئىشتىھا.
ئېھ!گۈل بەدەن نەقەدەر ھۇزۇر،
ئەتلىرىمگە تۆكۈلۈشلىرىڭ.
يۇلۇپ ئالدى مېنى پىغاندىن،
قاراقلاردىن يۇلقۇنۇشلىرىڭ.
غېرىپلىقتىن يىمرىلدى سۆيگۈ،
ياراقلاندى كۈچەيدى جېنى،
ھەيۋىسىدە جان بەردى، ئىسسىق،
قاراڭغۇلۇق، قاندۇر يەنە نى.
كۆكسۈمىزنى ئوراپ يەر-ئاسمان،
ئىچ-ئىچىدىن قىلىشماقتا زوق.
نەپەسلەر بەس تەنتەنە ئىچرە،
كېچىلەرگە ئېتىشماقتا ئوق.
زەخمە ئىچرە قەھرىتان ئەمدى،
بۇرۇن ۋاستە ئىشلەتكەن قەبىھ.
نۇسرەت قۇچتى باھار بۇ نۆۋەت،
تەبەسسۇم بەر يار بولغۇچى ئېھ!
قارا ھىجران سۈرگۈن قاقاسقا،
كىشەنلىنىپ كېتىشتى بىردىن.
سۆيگىمىزدىن قۇرىدى چۆللەر،
مۇزلۇقلارمۇ ئۆلۈۋالدى جىم.
2016.26 فېۋرال
116 قېتىم كۆرۈلدى | سەيپىدىن ئامۇت | ئەسەر يوللىغۇچى : | |
2016-2-28 13:59:11 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|