ھەسەت قىلما دوستۇڭغا
تۇرغۇن راخمان (كەمتەر)

ئادەم بولۇڭ ئادەمدەك،
ئادىمىيلىك كېرەك دەپ،
ھايات چەكلىك، بەك قىسقا،
ياشىغىن سەن ئەركەكتەك.

ئاداۋەتنى ئويلىما،
ياخشىلىقنى ئويلىغىن،
كۈلۈپ ياشا بىر ئۆمۈر،
ئىناقلىقنى كۈيلىگىن.

بىلىپ ياشاپ ئادەمدەك،
ئىززىتىڭنى ساقلىغىن،
ھەسەت قىلما دوستۇڭغا،
گۈللەر سۇنۇپ ياشىغىن.

ئازاپلىما دوستۇڭنى،
قىينالمىسۇن يۈرۈگۈڭ،
تىلەك تىلە ھەر دائىم،
دوستقا توزاق قۇرمىغىن.