گۇناھكار مۇھاببەت - غەزەل
ئابدۇلئەزىز مۇختەر
ئۇزاتتىم مەن مۇھاببەتنى خەير دىدىم ساڭا جانان،
سەرسان قىلدىڭ پاك سۆيگۈمنى بەلكىم قەلبىڭگە بۇ ئايان.
ئەسلى ئىستەر ئىدى قەلبىم سەندىن تاجۇ-تەخىتنى،
ئەمدى جان يوق قەلىبلەردە ئاتالدى ئۇ قۇرۇق ئارمان.
دوستلۇقتىنمۇ ياتلاشتۇق گۇناھكارى مۇھاببەتتۇر ،
بىلمەپتىمەن غەپلەتلەردە يۈز ئۆرۈشۈڭ شۇنداق ئاسان.
غۇرۇر ئىـزدەپ يۈرۈپ كەتتىم دەرتلىرىمنى قايرىپ قويۇپ،
ئۇنتۇپ قالما مۇھاببەتتىن ئەسلى ئۆزۈڭ،ئۆزۈڭ تانغان.
ئارتۇق كۆردۈم ئاشىقلىققا باش ئىگىشتىن مەن ئۆلۈمنى،
قۇل بولسام گەر مۇھاببەتكە چايان كەبى چاقار ۋىجدان.
يۈرەي ئەمدى ھەقىقەتتە بولسىمۇ گەر ئەگرى -توقاي ،
مەيلى رازى ئۆمرۈم ئۆتسە ھايات يولىدا سەرگەردان.
تاپقىن ئىزدەپ تۇرمۇشىڭدىن ئۆزگە مەنا ئابدۇلئەىزىز ،
تاپالمىسۇن سېنى مەڭگۈ قىيناغۇچى دەردۇ-ھىجران.
2015/12/28 كېچە
146 قېتىم كۆرۈلدى | dilkax | ئەسەر يوللىغۇچى : | |
2016-1-29 19:45:04 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|