ئ‍ىشەن ھەممە كېتىدۇ ئۆتۈپ

(مەۋلىدە ئىسرائىل )

 بەلكىم تارتقان كۈلپەتلىرىڭ كۆپ،

 ياتتىن ئالغان تۆھمەتلىرىڭ كۆپ .

 قېرىندىشىم بولساق زەبەردەس ،

 ئ‍ىشەن ھەممە كېتىدۇ ئۆتۈپ .

تۈلكە ساڭا ئ‍اتسا كېلىپ تاش،

 ئېتىپ قويغىن چاقچاق قىلىپ قاش،

 كۆزلىرىڭگە تەرمە ئاچچىق ياش،

ئ‍ىشەن ھەممە كېتىدۇ ئۆتۈپ .

تاغدەك كېلىپ باسسىمۇ كۈلپەت ،

 ئېزىپ تالقان ئېتەر شىجائەت ،

 يۈرىكىڭدە كۈلسە ساداقەت ،

 ئ‍ىشەن ھەممە كېتىدۇ ئۆتۈپ .

 بۇلۇت سۈرۈپ قۇياش تۆكەر نۇر،

قېرىندىشىم شۇڭا كۈلۈپ يۈر،

 ھاياتىڭغا ئۈمىدنى قىل جۆر ،

 ئ‍ىشەن ھەممە كېتىدۇ ئۆتۈپ !