دادامغا

ئ‍ابدۇۋەلى ئ‍ەزىزى

يىغلىمىغان ئىدىممەن بۇنچە پەريات كۆتۈرۈپ ،

مانا بۈگۈن يىغلىدىم ئۆكسۈپ ـ ئۆكسۈپ ئېچىمدىن.

 تەقدىر شۇنداق رەھىمسىز بولارمىدۇ بىلمىدىم،

ئېلىپ كەتتى ھەجەپمۇ سېنى مېنىڭ يىنىمدىن.

 كۆز يۇمغاندا جان دادا سەن دۇنيادىن خۇشلىشىپ،

 يۈرىكىمنى قاپقارا تۇمان باستى شۇ ھامان.

 بىلمەپتىمەن قەدرىڭنى سېنىڭ ھايات چىغىڭدا،

 ئەمدى بىلەي دىسەممۇ قىلالمىدىم ھېچ ئامال.

 خەيرى ئەمدى جان دادا خۇدايىمغا ئامانەت،

جەننەت بەرگىن دەپ تىلەي قول كۆتۈرۈپ ئاللاھغا.

 ساقلاپ تۇرغىن مېنىمۇ پات يىقىندا بارىمەن،

ئۇ دۇنيادا باغرىڭنى ئاچقاش تۇرغىن جان دادا