چۈشلىرىمگە مىھمانسەن پات- پات

مۇكەررەم ئەخمەت

قاچانكى كويۇڭغا چۈشكەندىن بىرى،

 ئاھ يۈرىكىم سوقتى ساڭىلا.

 تاپالمىدىم تاپمىدىم قايتا ،

 سەندىن باشقا دەردىمگە داۋا.

شادلىقىمنى قاچتىڭ ئوغىرلاپ ،

 كۈلكىلىرىم قاتقان سۈرەتتە .

 بىۋاخ كۈلكە لەۋلەردە ئايان ،

ئەمما يۈرەكلەر تىخى سۈكۈتتە.

 بەلكىم قالار شۇ پىتى ئارمان ،

 بىر چوغ كەبى خىرە ئۇچقۇنداپ .

 چۈشلىرىمگە مىھمانسەن پات -پات ،

يۈرىكىمنى ئۆتىسەن تىلغاپ.