ئۆتۈنۈش

(ئابدۇراخمان ئابدۇللا)

 شورا تام ئاۋازىڭنى توسۇپ قالالماس،

 تارايدۇ تومۇرۇڭدىن چېچەكنىڭ ھېدى.

 قەدەم تېۋىشلىرىڭ لەرزان بىر كۈيدە،

شېئىر ئوقۇپ-ئوقۇپ ھارمىدى.

 ئارىمىزدا يالغۇز ئاياق يول،

《قېلىچتىن تېز ئەمما، قىلدىن ئىنچىكە》.

 بىر ئۇچى ئالەمدەك يېيىلغان ساڭا،

 بىر ئۇچى مەندىكى ئاجىز يۈرەكتە.

 كۆزۈمدىن سەن ئۈچۈن بىر رىشتە ئېشىپ،

 بېلىڭدىن ئاۋايلاپ باغلىسام، جېنىم.

 بەخىتنىڭ رەڭگىدە لەيلەپ مەن تامان،

 باغرىمدا بىر تەخىت ياسارمۇ دېدىم.