زەھىرى شۇ بۇنىڭ بۇ مەۋھۇم دۇنيا

يۈسۈپجان سايرامى    ( زىنھار )

قارايسەن ئەتراپقا تۇيۇقسىز چۆچۈپ ،
كەلگەندەك ھاياتقا ئەمدىلا كۆچۈپ  .
كۆزلىرىڭ پىغانە نۇرلىرى ئۆچۈپ  ،
يېگانە ئۆزۈڭ بىر ئازابنى يۈدۈپ  .

ساراڭ سەن خۇددى توك سوققاندەك .
يۈرەكمۇ سوقۇشتىن توختاپ قالغاندەك.
ھاياتلىق ئۈزۈلگەن نىمجان بېلىقتەك  ،
زەھىرى شۇ بۇنىڭ بۇ مەۋھۇم دۇنيا  .

ئىشەنچىنى قۇيۇپ كۆرمەس بىراۋگە .
نىيەتلەر ئوخشىماس جەبرى -جاپاگە ،
دوستنى يات كۆرۈپ دۈشمەن بىلگەنگە.
زەھىرى شۇ بۇنىڭ بۇ مەۋھۇم دۇنيا  .

بىر ناننى تەڭ يىيىشكەن دوستلار قالمىدى ،
جەم بولۇشۇپ دىيىشكەن سۆزلەر قالمىدى.
ئۆسۈپ ئۆتۈپ كەتسەكمۇ كۆزلەر قارىمىدى ،
زەھىرى شۇ بۇنىڭ بۇ مەۋھۇم دۇنيا .

سىرلىرىڭمۇ قالمىدى دوستقا ئېيتىقۇدەك  ،
ۋەدە قەسەم بىرىپ ئامانەت قىلغۇدەك  .
كۆرۈندى بارچىسى ھەم سۈنئىي يالغاندەك  ،
زەھىرى شۇ بۇنىڭ بۇ مەۋھۇم دۇنيا  .

ئالدانما بۇ مەۋھۇم بۇ سۈنئى دۇنيا  ،
سىرلىرىڭ يېپىلىپ قالسۇن پىنھاندا .
قەھىرىڭ كەتمىسۇن ئاتا - ئاناڭغا ،
زەھىرى شۇ بۇنىڭ بۇ مەۋھۇم دۇنيا.

2016-يىل 12-ئاينىڭ 16-كۈنى  ( كېچە  )
##ئاپتۇر ئەمگىكىگە ھۆرمەت قىلىڭ  ##