دادامنى ئەسلەپ

ئابلىكىم ئابلەت (ئەرتۈرك )

بىر باغۋەن ئ‍ىدىڭغۇ ھايات بىغىمدا،
كۆتۆرگەن ئ‍ىدىڭغۇ مىنى  بىشىڭدا .
قەدرىڭنى ئەمدىلا  بىلگەن چىغىمدا ،
دادا دەپ چاقىرسام يوق سەن يىنىمدا.

ئايرىلدىم مىھرىڭگە قانماي تۇرۇپلا ،
چىدىدىم ئ‍ۆزۈمنى ئ‍الداپ يۈرۈپلا .
ئەجەپمۇ ئ‍ىغىركەن قىسمىتىڭ دۇنيا ،
تىلدىڭغۇ باغرىمنى تىرىك تۇرۇپلا .

سەن بولغاچ مىنىڭمۇ بولغان بۈگۈنۈم ،
دەيتتىڭغۇ جان دادا مىنى ئ‍ۈمۈدۈم .
كەتتىڭ سەن دىلىمنى قويۇپ ھىجراندا،
ئ‍ىزىلدى قان يىغلاپ قالدى يۈرۈگۈم .

چوڭ بولۇپ ئ‍ەقلىمنى بىلگەنچە دادا ،
يوقلىقىڭ بىرمۇ - بىر بىلىندى مانا .
ۋاقىتسىز خوشلىشىپ كىتىسەن نىچۈن ،
مەن تىخى بۇرچۇمنى قىلمايلا ئ‍ادا .

قاراڭغۇ زۇلمەتتە چاچتىڭ نۇرۇڭنى ،
مۇھتاجلىق ئ‍ىلكىدە بەردىڭ قولۇڭنى .
ئ‍ەمدى سەن خاتىرجەم كۆز يۇمغىن دادا ،
قىلمەن مەن چوقۇم داۋام  يولۇڭنى .
 2016-5-17