ئايالىم بولغىن (شېئىر)
يۈسۈپجان ئايكىپە
تومۇزلاردا شامالىم بولغىن،
مەڭگۈ كۆڭۈل ئارامىم بولغىن.
ھەر كۈن كەلسە بىللە كۆرەيلى،
مىنىڭ جۈپتى ھالالىم بولغىن .
زىرىكمەيمەن سىنىڭدىن ئەبەد،
ساڭا باغلاپ چەكسىز مۇھەببەت،
ئايرىلىشنى ئويلىما پەقەت،
ماڭا سىرداش جانانىم بولغىن .
بىللە ياشاپ بىللە كۈلگۈم بار،
ھەر بىر كۈننى بىللە كۆرگۈم بار،
كۆز يۇمغىچە بىللە يۈرگۈم بار،
ماڭا سادىق ئايالىم بولغىن .
باشقىلارغا قىلمايمەن ھەۋەس،
بىرگە بولۇش مەيلى بولسا تەس،
ئارىمىزدا نامەرت يوق ئەمەس،
كۆز تەگمىسۇن تۇمارىم بولغىن.
نۇرغۇن ئىشقا پەرۋايىم پەلەك،
بىر سىنى دەپ سوقىدۇ يۈرەك،
بىرگە ياشاش مەندىكى تىلەك،
ئۆمۈر بويى نىگارىم بولغىن .
2017-يىلى 9-فىۋرال 1450877977
13709988104
40 قېتىم كۆرۈلدى | يۈسۈپجان ئايكىپە | ئەسەر يوللىغۇچى : | |
2017-2-10 13:34:24 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|