بولغان  بولسا  ئانام  ئۆيىدە 

زىلەيبۈ ئەخمەتجان

ئىچىلاتتى گۈلمۇ  پورەكلەپ ،
بولغان بولسا ئانام ئۆيىدە .
چاڭ باسمايتى ئايۋان سارايلار   ،
بولغان بولسا ئانام ئۆيىدە .

بايرام  ئىدى كۈندە بىزلەرگە ،
بولغان  بولسا ئانام ئۆيىدە .
بارماس ئىدۇق قەبرىگە يوقلاپ ،
بولغان بولسا ئانام ئۆيدە .

ئۆتمۈشىمىز بولماستى ئاچچىق ،
بولغان بولسا ئانام ئۆيىدە .
سۇسلاشمايتى  قېرىنداش مېھرى ،
بولغان بولسا ئانام  ئۆيىدە  .  

ئېغىر كەلدى  ھايات چاقچىقى ،
يوقلىقىڭنى بىلىپ قالغاندەك .
سارغايدىغۇ ئارزۇ ياپىرىقى ،
بۇلمىغاچ ئۇ سۇغا قانغاندەك .

 2017-3-15 چارشەنبە