نېمىشقا
ئابدۇۋەلى ئابدۇغېنى
ئاۋام بىلەن بىر ئوتتا كۈيەلمەيمىز نىمىشقا ؟
بىر تۇپراققا پېتىشىپ ئۈنەلمەيمىز نىمىشقا ؟
رىئاللىقنى ھەق كۆزدە كۈرەلمەيمىز نىمىشقا ؟
قەلبىمىزدىن لاتقىنى سۈزەلمەيمىز نىمىشقا ؟
يىتۈك نامنى تارىخقا پۈتەلمەيمىز نىمىشقا ؟
ئىناقلىققا تەلپۈنۈپ زەرداپ بولغان دىلىمىز،
تىكەن پېتىپ تاپانغا نەچچە ئاققان قېنىمىز،
ياشىغانتۇق نەچچە يىل پۈتۈن بولماي نېنىمىز،
رىشتە باغلاپ ئۈمۈتكە ئامان قالغان جېنىمىز،
ئەمدى بەخىت كەلگەندە سۈيەلمەيمىز نىمىشقا ؟
سەپسەتىگە ئىشىنىپ رىشتە باغلاپ ئىللەتكە،
تىنىچلىققا چىدىماي قارا سۈركەپ مىللەتكە ،
ھەمقان بولماي ياتلىشىپ ياننى قىلىپ خىسلەتكە،
قايىتقۇلۇقمۇ يەنە بىر ئاشۇ قارا قىسمەتكە،
ئەمدى تەلەي كەلگەندە كۆرەلمەيمىز نىمىشقا ؟
يۈز ئۆرىگەن ۋەتەندىن قارا يۈزدۇر،غاپىلدۇر،
سېلىشتۇرۇپ پەرىقنى تېپىپ چىققان ئاقىلدۇر،
ئوترا يولدا تىك تۇرۇپ مەشئەل تۇتقان قابىلدۇر،
ئاۋام ئۈچۈن تاغ يېرىپ سۇ باشلىغان تاھىردۇر ،
ئىجىل بۇلۇپ تۇققاندەك ئۈتەلمەيمىز نىمىشقا ؟
نادانلىققا قول بىرىپ تېيىپ ئەلنىڭ يولىدىن،
ئىما قىلىپ ئەۋلادنى ئايرىپ ھەقنىڭ نۇرىدىن ،
دەرس ئېلىپ شەيتاندىن كىچىپ ئەجداد تونىدىن ،
ھەسەت بىلەن ئۆرتىنىپ ئىناقلىقنىڭ خورىدىن،
قۇترىغاندىن قورۇقماي ،تۈزەلمەيمىز نىمىشقا ؟
ئىچى تارلار بەخىتنىڭ بىلەلمەيدۇ تەمىنى،
سىغدۇرمايدۇ قەلبىگە گۈلىستانلىق ئەتىنى،
ئاۋام ماڭسا سەپەرگە قاتالمايدۇ مەپىنى،
ئاقىۋەتتە ھېچكىمگە تۈكەلمەيدۇ دەردىنى،
ئارىمىزدىن ئالىنى سۈزەلمەيمىز نىمىشقا ؟
بىگۇناھلار چەيلەندى تەگدى ئازغۇن تاش بۇلۇپ ،
تامچىلىدى كۆزلەردىن تۇز سۈيىدەك ياش تۇلۇپ ،
سوغ ئېقىمدا تىترىدى،بەدەنلەرمۇ مۇز بۇلۇپ ،
تەستە كەلگەن قۇۋناقلىق تەمى تاتلىق ئاش بۇلۇپ ،
يۇبدان بىلەن ھەسەلنى بىلەلمەيمىز نىمىشقا ؟
مۇھتاج ئىدۇق بىر چاغلار ۋىسال ئاتلىق داۋاغا،
ئىبرەت ئالغىن قىسمەتتىن،باقما دۇستۇم خاتاغا،
يار ھىدىدىن تىنىق ئال كۆتۈرۈلگىن ساباغا ،
بەخىت دېگەن مانا شۇ ،چۈشكىن قېنى ساماغا،
جىلۋە قىلسا رىئاللىق كۈلەلمەيمىز نىمىشقا ؟
2017.3.13
كېرىيە لەنگەر بوز يەر باشتېرىم
43 قېتىم كۆرۈلدى | ئابدۇۋەلى ئابدۇغېنى | ئەسەر يوللىغۇچى : | |
2017-3-31 4:52:56 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|