بەزىلەر

نىيازخان يۈنۈس نەۋرۇزە

بەزىلەر گە يول قويدۇم ،بەزىلەرگە قول قويدۇم،
ھۆرمەت بىلەن قولىغا گۈل چەينەكتە سۇ قۇيدۇم. 
پاي-پىتەك بولۇپ قەدەمدە، خىزمەت قىلىپ باش قويدۇم، 
ئاينى سۈزۈپ بەرسەڭمۇ بىلمەيدىكەن بەزىلەر.

بەزىلەرگە جان بەردىم ، بەزىلەرگە قان بەردىم،
قورسىقى ئاچ قالغاندا ،ئۆزەم يىمەي نان بەردىم.
كەتسە ئۆزى يىراققا كەپتىرىگە دان بەردىم ،
پۈتۈن دۇنيا بەرسەڭمۇ بىلمەيدىكەن بەزىلەر .

بەزىلەرگە پۇل بەردىم ، ئېتىزىغا گۈل تەردىم،
چالغان دېپى يىرتىلسا، چىڭ تېرىدىن داپ كەردىم.
ئاز ئەمەسقۇ ۋاي توۋا بېشىمدىكى بۇ دەردىم،
پۈتۈن جاننى بەرسەڭمۇ بىلمەيدىكەن بەزىلەر .

ئولتاساممۇ ئالچۇقتا، ئۇزۇن سايلىق ئاقچۇقتا،
دەرتلەر كەلسە بېشىغا، قوغدىغانتىم قارچۇقتا.
چاچلىرىنى ئۆرگەنتىم تال-تال قىلىپ بالجۇقتا،
جەننەت ئاتا قىلساڭمۇ بىلمەيدىكەن بەزىلەر .

بەزىلەرگە يول قويدۇم ، بەزىلەرگە قول قويدۇم ،
يۈزى قارا شەيتاندىن  بەدەر قاچتىم جاق تويدۇم .
ئەمدى بوزەك بولمايمەن ، ياخشىلارغا قوي سويدۇم،
ئالتۇن ساراي سالساڭمۇ بىلمەيدىكەن بەزىلەر .


2017-يىلى 5-ئاينىڭ 29-كۈنى، دۈيشەنبە
     

تەھرىرلىگۈچى : ئابلىمىتجان ۋاھاپ 

ئۈندىدار :qq1165181317

مۇھەررىر: ئابدۇقەييۇمجان ئابدۇسادىرى 

ئۈندىدار :2041420589