ھەممىدىن تەس ئ‍ىكەن ھايات ياشىماق

 ھوشۇر ئ‍امىرجان ئ‍اتەشى تاجىك

 ئ‍اساندۇر ئ‍ېقىنى - ئ‍ېقىنغا قوشماق ،

 ۋەياكى بىراۋنى ئ‍ازابقا قويماق.

 ۋېجدانىڭ كۆزىدە بۇ جاھانغا باق ،

ھەممىدىن تەس ئىكەن ھايات ياشىماق !

بەزىلەر ئ‍الدايدۇ سېنى گول قىلىپ ،

 تىكەننى سونىدۇ قىزىل گۈل قىلىپ.

 يۈز يىللىق ئ‍ەجرىڭنى مېنۇت نۆل قىلىپ ،

ھەممىدىن تەس ئىكەن ھايات ياشىماق !

 بەزىلەر زەھەرلىك يىلان تىمسالى ،

 بەزىلەر قەھىرلىك قاپلان تىمسالى .

بەزىلەر ئ‍ادەم يۇ ،ھايۋان تىمسالى ،

 ھەممىدىن تەس ئىكەن ھايات ياشىماق !

بەزىلەر ياشايدۇ كىبىرلىك بولۇپ ،

 بىباھا ۋىجدانى گىرامغا قويۇپ.

 بەزىلەر توزىيدۇ شېخىدا تورۇپ ،

ھەممىدىن تەس ئىكەن ھايات ياشىماق !

 دادىنىڭ قەدرىگە يەتمەيدۇ بالا ،

بالىنىڭ دەرتىنى بىلمەيدۇ دادا.

ئ‍اققىۋەت ھەممىنى يۈتىدۇ دۇنيا ،

ھەممىدىن تەس ئىكەن ھايات ياشىماق !

بىر مېنۇت ئ‍ۆمۈرنىڭ بىر بىتى ئ‍ەسلا ،

 ئ‍ۇ يىرتىپ قەدەمدە پۈتمەيدۇ قايتا.

ئ‍اشىقنىڭ ئ‍اغزىدىن چۈشمەيدۇ ناخشا،

 ھەممىدىن تەس ئىكەن ھايات ياشىماق !

قىزلارنىڭ تۇلىسى مودىغا ئ‍ەسىر،

" مودىسىز ئ‍ۇ تۇرمۇش خارتۇمى يوق پىل"

دۇنياغا مېھمانسەن شۇ ساۋاقنى بىل ،

ھەممىدىن تەس ئىكەن ھايات ياشىماق !

 ئ‍ويلاپ كۆر ھەي ئ‍ىنسان ئ‍ىمانىڭ نېمە ؟

 دۇنياغا كەلدىڭ سەن ئارمانىڭ نېمە؟

 كەچ بولدى بۇ كۈنمۇ قىلغانىڭ نېمە ؟

 ھەممىدىن تەس ئىكەن ھايات ياشىماق !

 بەزىلەر قېرىنداش لىكىن مېھىر يوق ،

 مېھىرنىڭ باھارى -يازىمۇ سۇغۇق .

بەزىلەر ياتلارغا ئ‍ايلانغان تۇلۇق،

ھەممىدىن تەس ئىكەن ھايات ياشىماق ! 

 كىتىمىز نىھايەت يا ئ‍ەتە ، ئ‍ۆگۈن،

 قالىدۇ نام - ئ‍اتاق يىپىنغان زەر- تون،

 لەيلىنىڭ ۋەسلىگە يەتمەيدۇ مەجنۇن ،

 ھەممىدىن تەس ئىكەن ھايات ياشىماق !