مۇھەببەتتە بەخىت دېگەن شۇ
ئېھتىيار يارمۇھەممەد
سۆيەلىسە بىرسىنى يۈرەك,
بار مېھرىنى ئاتاش كېرەكقۇ .
سەن كۈتكەندەك كۈتسە سېنىمۇ ،
مەن ئىيتىمەن بەخىت دېگەن شۇ .
ئويلاپ تۇرسا يىراق تۇرسىمۇ،
يۈرەككە لىق ئازاپ تولسىمۇ.
گاھى شۇنداق دەرتتە قويسىمۇ ،
مەن ئىيتىمەن بەخىت دېگەن شۇ .
كۈلكە بىلەن ئۆتەمدۇ ھايات ،
شادلىق -قايغۇ ئۇ بىر جۈپ قانات.
يۈرسە كۆڭۈل كۆڭلنى ئاياپ ،
مەن ئىيتىمەن بەخىت دېگەن شۇ .
باش قويغۇدەك بولسا بىر مۈرە ،
پەقەت بىرنى سېغىنىپ كۈندە .
ئۆتسە ھايات شۇنداق سۆيگۈدە ،
مەن ئىيتىمەن بەخىت دېگەن شۇ .
يىغلاتقىنى كۈلدۈرەر ئۆزى ،
نە مۇھەببەت بىلدۈرەر ئۆزى .
بىل ھەممىگە كۆندۈرەر ئۆزى ،
مەن ئىيتىمەن بەخىت دېگەن شۇ .
يەتكىچە بىر نىشان مەقسەتكە ،
چىن پۈتمىسە ئارتۇق غەيۋەتكە.
سەۋەپ كەتمەس چىن مۇھەببەتكە ،
مەن ئىيتىمەن بەخىت دېگەن شۇ .
شىنجاڭ ئونۋىرسىتى تىل ئىنستىتۇتىدا
119 قېتىم كۆرۈلدى | tarki | ئەسەر يوللىغۇچى : | |
2016-2-14 1:44:51 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|