ئۇۋالىغا قالما يۈرەكنىڭ
مېھىرنىسا قۇربان
تەنھا قويدۇڭ كۆيگەن يۈرەكنى،
خالىمايتتى سەندىن بۆلەكنى.
ئۈمىدلىرى ئۈزۈلمەي يەنە،
تىلەپ قالدى قۇتلۇق تىلەكنى.
تاشلاپ كېتىپ ئاھ،ھەجەپ قىلدىڭ.
بۇ يۈرەكنى ئەرزىمەس بىلدىڭ.
لەختە بولدى قانلىرى ئېقىپ،
خەنجەر بولۇپ باغرىنى تىلدىڭ.
يولغا قاراپ كۈنى ئۆتەتتى.
ئۈمىد قىلىپ سېنى كۈتەتتى.
ئۇۋالىغا قالما يۈرەكنىڭ،
بىلسەڭ ئىدىڭ دىلدىن سۆيەتتى.
ئۇ كۈتمىگەن بۇنداق كۈنلەرنى،
ئۆتكۈزدىغۇ يىغلاپ تۈنلەرنى.
چىن مۇھەببەت سۆيگۈسى ئۈچۈن،
ئارمان قىلغان خوشال دەملەرنى.
سەن كەلمىدىڭ ئوتلىرى ئۆچۈپ،
كەتتى ھەتتا كۈللىرى كۆچۈپ.
ئەجەل تونى كىيىپ قالسا ئۇ،
بۇ دۇنيادىن كەتمەمدۇ يۈتۈپ.
2016-11-28 غۇلجا شەھىرى
123 قېتىم كۆرۈلدى | 2550325358 | ئەسەر يوللىغۇچى : | |
2016-11-30 0:10:53 | :يوللانغان ۋاقتى |
2016-12-2 17:09:42 | رەجەپ |
يارايسىز تىخىمۇ ياخشى ئەسەرلەرنى يىزىشىڭىزغا تىلەكداشمەن |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|