ئۆتمۈشكە سۇئال
ھەسەنجان ياسىن شەمشىرى
بوۋا ،
سىزدىن سوراپ باقاي ؟ سىز چاپقان شۇ كەتمەنلەر،
يەرگە ئۇرغان چېغىڭىزدا بىسلىرىمۇ يانامتى؟
تۇرمۇش، پەرزەنت، كەلگۈسى دەپ
شۇ كۈنلەردە ئۆتكەنلەر،
مەرتلىك بىلەن تىك تۇرۇپ ئۆزنى ئەركەك سانامتى؟
ئاش زارلىقتا ئۆتۈپ تۇرۇپ مومام يەنە ئەركىلەپ،
مىھرىڭىزنى بەرسىڭىز ئۇل مىھىرگە قانامتى؟
پەرزەنتلىرىڭىز جاھاننىڭ ئېغىرىغا چىدىماي ،
بىزتەييار تاپلاردەك سىزگىمۇ ھەم يانامتى؟
كۆرەمتىڭىز؟
شۇ چاغدىمۇ دەتتىكامغا ئاتقاننى،
ياكى ئاقنى چىكىۋېلىپ بىر بۇلۇڭدا ياتقاننى؟
كىيىم كىيمەي يالڭاشلىنىپ كوچا كويدا ئۇيالماي،
بەش تەڭگىگە كۇچۇكلۇنۇپ ئىپپىتىنى ساتقاننى؟
بارمىدى؟
شۇ زاماندىمۇ غەيۋەتلەردە ئۆتكەنلەر،
يېقىنلىرنى مەنپەت ئۈچۈن يات ئالدىدا سۆككەنلەر؟
ناھەقلەرگە بۇلۇشۇپ ھەقنى كۆرەر كۆزلەر يوق،
ئەرلىكىنى يوقۇتۇپ بىر بۇلۇڭغا مۆككەنلەر؟
بېرەمتىڭلار؟
قىزىڭلارنى پۇلى بارغا بايلارغا،
ئايلاندۇرۇپ ھالاللىقنى ھازىر كەبى سودىغا؟
كەمبىغەللەر خوتۇنسىز يۈرەرمىدى ۋە ياكى،
يانچۇقىدا دەسمي يوق يىتىشالماي مودىغا؟
195 قېتىم كۆرۈلدى | xamxiri | ئەسەر يوللىغۇچى : | |
2016-11-7 0:08:24 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|