ھازدار يۈرەك
ئابدۇقەييۇمجان ئابدۇسادىرى
نەسىر
يۈرەك قىتىدىن بالقىغان تۇيغۇلىرىم بىلەن كېتىپ بارىمەن . ئىزگۈلىرىم بىلەن قاناتلانغان خىيالىرىم ھەريان پەرۋاز قىلماقتا ، مەنزىل تامان يۈرگەچ يۈرەك تىۋىشلىرىمغا قۇلاق سالدىم . لېكىن مەنزىلىمنىڭ قەيەر ، قانچىلىك يىراقتا ئىكەنلىكى نەمالۇم ، شۇنداقتىمۇ تۇيغۇلىرىمغا ئەسىر بولغان مەن بىر ساماۋىي قۇدرەتنىڭ ھۆكۈمرانلىقىدا كېتىپ بارىمەن . يۈرەك تىۋىشلىرىم سۆلىمەكتە ، بەخىت تۇيغۇلىرىنى ، شىرىن ئەسلىمىلەرنى ، ئوتلۇق قەدەملەرنى ... شۇ يۈرەكنىڭ چوڭقۇر قىتىدىن چىققان ئوتلۇق تىۋىشلارنى قۇلىقۇم بىلەن ، ياق ! يۈرۈكۈم بىلەن ئاڭلاۋاتىمەن . چۈنكى شۇ ئەسلىمىلەرگە مەن ئەسەبىلەرچە ئاشىق ئىدىم .
خىيال تۇيغۇنلىرىم مېنى كۆڭۈل قەسىرىمگە باشلاپ كېردى . قەسىر ئىچىدە سەيىر قىلۋاتىمەن ، قەلىپ قەسىرىمنىڭ ھەممە يىرىدىن جاراڭلىق كۈكە ئاۋازى ئاڭلىناتتى . بۇ ئاۋاز تولىمۇ تونۇش ، ياق تونىشلا ئەمەس مەن ئەڭ ياخشى كۆرىدىغان ، ئەسەبىلەرچە ئاشىق بولغان يۈرەكنىڭ ئاۋازى ئىدى . ئۇ ئاۋاز ئالىقاچان تىنىمنىڭ بىرقىسمى بولۇپ كەتكەن ئىدى . قەسىرنىڭ يۇقىرى تەرپىدە قاشتىشىدىن ياسالغان شاھانە كۇرسا تۇراتتى ئۇ كۇرسىدا ئىلگىرى ، ياق بايىلا ئەخلاقنى لىباس قىلىپ ئىسىلىقى بىلەن كۆزنى چاقنىتىپ تۇرغان ، ساداقەت بىلەن ۋاپانى خاس نەۋكىرى كىلىپ بىر – بىرىگە قانماستىن بىقىشىپ تۇرغان جۈپ يۈرەك ئولتۇغان ئىدى . ئەمدىلىكتە بولسا ئۇ ئىككى پاسىبان يوق ، ساداقەت ۋە ۋاپادىن ئىبارەت ئىككى نەۋكەرمۇ قەيەرگىدۇر خايىپ بولىشقان ئىدى . مەن ئختىيارسىز ھالدا قەلىپ قەسىرىمدىكى خاس ھۇجۇرا ئۆيۈمگە قاراپ قەدەم ئالدىم . ئىشىك تۈۋىگە كەلگىنىمدە يۈرۈكۈمنىڭ ئاجىزى تىۋىشى زاھىر بولدى . ئىشىكنى قولۇم بىلەن ئىتىرىپ ئاچتىم ، ئاچتىميۇ داڭقىتىپ تۇتۇپلا قالدىم . چۈنكى بىر يۈرەك ھۇجىرا ئۆيۈمنىڭ كارۋىتىدا قان تامچىلىغان ھالدا ياتاتتى . ياق ئۇ باشقا بىرىنىڭ ئەمەس دەل مېنىڭ يۈرۈكۈم ئىدى !!!
كۆز ياشلىرىم تاراملاپ ئاقتى ، پۇتلىرىم سىقىراپ ئاغرىشقا باشلىدى . تۇغرىسىنى ئىيتسام يۈرۈكۈمنىڭ يىنىغا بىرىشتىن قورۇقتۇم ، قورۇقىنىمدىن پۈتۈن تىنىم جۇغۇلداۋاتاتتى . مەن ئەسەبىلەرچە چۇغۇلداۋاتقان تىنىمنى ھەرياقلارغا ئۇردۇم ، سوقتۇم ، مېنىڭ ئەسەبىلەرچە ئۇرۇشلىرىمدىن كۆڭۈل قەسىرىم داۋالغۇپ كەتتى . خاس ھۇجۇرا ئۆيۈمنىڭ تاملىرى پۈتۈنلەي كىتابدىن ياسالغان بولۇپ ، ھەربىر ئۇرىشىمدا كىتابلار بىشىمغا چۈشۈپ مىنى ساۋداپ ئۈلگۈرەتتى . يۈرۈكۈمنى ئۇ ھالەتە كۆرەمەن دەپ ئويلىمىغان ئىدىم ، لېكىن رىيانلىق ئالدىدا ئۆزۈمنى ئەسەبىلەرچە ئۇرۇشتىن ئۆزگە ئامال قىلالمىدىم، ئاخىرى ھالسىزلىنىپ يىقىلدىم .
تۇيۇقسىز كۈرىگىمنىڭ يىنىدا قانغا مىلىنىپ ياتقان بىر كىتابقا كۆزۈم چۈشتى ، قورقۇمسىراپ تۇرساممۇ لېكىن قانداقتۇر بىر ئىلاھىي كۈچنىڭ تەسىرىدە ئۆمىلەپ بىرىپ دىگۈدەك كىتابنى قولىمغا ئالدىم . ئۇ < باھادىرلار > ناملىق نەسىرلەر توپلىمى ئىدى . ئۇ دۈم ، ئىچىقلىق ھالەتتە قويۇلغان بولۇپ پۈتۈنلەي دىگۈدەك قانغا مىلىنىپ كەتكەن ئىدى . مەن ئۇنى ئاۋايلاپ ئۆرۈپ قارىدىم پەقەت « ... كىتاب چۆچەكلەر خەزىينىسى ، بىز ئەللەيلىنىۋاتقان بوۋاق . .. بىز ياغاچ ئاسماننى سەيىر قىلغان خانتەڭرى تۇلپارىغا مېنىپ ، قولىمىزغا ھەقانىيەت شەمشەرلىرىنى ئىلىپ ، گاھ چۆل – جەزىرىلەردە ، گاھ تاغ – داۋانلاردا يۈرۈپ ، ۋەتەن قوغداش ئۇرىشىنىڭ ئالدىنقى سىپىدە باھادىرلارچە جەڭ قىلىپ ، ئەل – يۈرت دۈشمەنلىرىنڭ كۆكرىكىگە نەيزە بولۇپ سانجىلغان ... » دىگەن ققۇرلارنىلا ئوقۇغىلى بولاتتى . مەن بۇ قۇرلارنى ئوقۇپ يىنە نەچچە قات ئازاپ ئىلكىدە ئۆزۈمنى يەرگە ئاتتىم !!!.
كالام قۇپ – قۇرۇق ... تۇتۇقسىز < تاراق > قىلغان ئاۋاز بىلەن تەڭ خىيالىمنى يىغدىم دە ، ئاۋاز چىققان تەرەپكە قارىدىم . مەن ئىھتىياتسىزلىقتىن ئۆزۈمگە تونۇشلۇق بولغان كىچىك ئۈنئالغۇنى يەرگە تاشلىۋەتكەن ئىدىم . مەن ئۈنئالغۇنى ئىلىپ ئۆزۈمگە تونۇشلۇق بولغان قويۇش كونۇپكىسىنى باستىم .
ئەلەي قوزام جان قوزام ،
چۆچەك ئىيتىپ بىرەيمۇ .
ئۇيقۇڭلارمۇ كەلگەندۇ ،
ئەللەي ئىيتىپ بىرەيمۇ .
تۇيۇقسىز ياڭرىغان بۇ ئاۋازدىن مەن خۇدۇمنى يوقاتتىم ، كۆز ئالدىم قاراڭغۇقلاشتى ، تىنىقلىرىم قىيىنلاشتى . ئارىدىن قانچىلىك ۋاقىت ئۆتىكىن ، ئاستا – ئاستا ھۇشۇمنى تاپتىم . لېكىن شۇنچە تىرىشساممۇ كۆزۈمنى ئاچالمىدىم . قۇلاق تۈۋىمدە يەنە بىر ئاۋاز خىرە ياڭراشقا باشلىدى .
......
ئۆلمىدى قۇدادغۇبىلىگ ،
ئۆلسىمۇ بىر – بىرلەپ ھايات .
ئۆلمىدى تۈركى دىۋانى ،
چۈنكى ئۇ شاھانە كىتاب .
.......
كىتاب ئۇ ھەركىمگە راۋا ،
شەربىتى تەشنا قەلىپنىڭ .
كىتابدا ئىزلىرى قالغان ،
تارىخنى يازغان ئەدىبنىڭ .
شۇ ئاۋازلار قۇلاق تۈۋۈمدە ياڭرىدى . ئاۋازلاردىن چىقىۋاتقان ھەر بىر تاۋۇشلارنىڭ دولقۇنلىرى جىسمىمغا تارىغىنىدا جىسمىمنى يەنە بىرقات ئازاپ ئورىۋالدى. ....
قاچانلاردا ئىسىمگە كەلگىنىمنى ئۆزۈممۇ ئۇقمايمەن . ئورنىمىن مىڭ تەسلىكتە تۇرۇپ ، كارۋات ئۈستىدە ياتقان بايىقى قان تىمىپ تۇرغان يۈرۈكگە قارىدىم . ھەييات !! يۈرۈكۈم ئەمدىلىكتە سوقۇشتىن توختىغان ، بايىقى قىپقىزىل قانلار تىمىپ تۇرغان ئەمەس ، بەلكى كۆكۈرۈپ قىتىپ كەتكەن يۈرەك كۆز ئالادىمدا نامايەن بولدى ، دىمەك يۈرۈكۈم ئالىقاچان ئۆلۈپ بولغان ، مەن بولسام تىرىك مۇردىلار قەبرىستانلىقىنىڭ قانۇنلۇق پۇخراسىغا ئايلىنىپ بولغان ئىدىم . مەن تىزلىنىپ تۇرۇپ يۈرۈكۈمنى ، سوقۇشتىن تۇختاپ كۆكۈرۈپ كەتكەن ، مېنى ئوڭۇشلۇق ھالدا تىرىك مۇردىلار قەبرىستانلىقىنىڭ پۇخراسىغا ئايلىنىپ كەتكەن يۈرۈكۈمنى قانداقتۇر بىر سارماۋىي كۈچنىڭ تەسىرىدە قولىمغا ئالدىم .
ھۇجىرامدىن چىقىپ ، يەنە خىيال تۇيغۇلىرىم بىلەن بىر ساماۋىي كۈچنىڭ كونتىرولىقىدا كۆك قەھرىدە يۈرۈپ كەتتىم . لېكىن تەڭرىدىن يۈرۈكۈمنىڭ سوقۇپ قىلىشىنى پۇتۇن نىيىتىم بىلەن تەلەۋاتاتتىم . كاللام قۇرۇقلا ، ھەمىنى ، ئۆزۈمنىڭ كىملىكى ، قانداق ئادەملىكىمنى ئۇنتىغان ، خىيال تۇيغۇلىرىم بىلەن بىر ساماۋىي كۈچنىڭ مېنى قەيەرگە ئاپىرىدىغانلىقى ماڭا قاراڭغۇ . كىتىپ بارىمەن ، تۇيۇقسىز شەددەت بىلەن زىمىنغا قاراپ تۆۋەنلىدىم . كۆزلىرىم ھىچ نەرسىنى كۆرمەيتتى ، قۇلاقلىرىم ھىچ نەرسىنى ئاڭلىمايتتى ...
بىردەمدىن كىيىن كۆزۈم ئىچىلدى . ئەتراپقا قارىدىم تۆت ئەتراپىم پايانسىز قۇملۇق ئىدى . مەن يەنە تۇيغۇنلىرىمغا ئەسىر بولۇپ ئۇلار باشلىغان تەرەپكە ماڭدىم ، قولۇمدا كۆكۈرۈپ كەتكەن يۈرۈكۈم . قەدەمدە بىر يىقىلىپ ، دومىلاپ ، كۆزلىرىمگە قۇم كىرىپ دىگۈدەك كىتىپ بارىمەن . قانچىلىك ماڭغىنىمنى ئۇقمايمەن ، تۇيۇقسىز كۆز ئالدىمدا پىرامىيدا شەكىللىك بىر قۇرۇلۇش پەيدا بولدى . ئەلئىھرام !!! دەشەتلىك ۋارقىرىدىم ، ۋارقىراشلىرىمدىن قۇملار لەرزىگە كەلدى . راس ، كۆرگىنىم ئەلئىھرام ئىدى . مەن ئۇنى كىتابلاردىن ، تورلاردىن ، تىلۋۈزۇرلاردىن كۆرگەچكە ئاسانلا تونىۋالغان ئىدىم . ئىھرام ئىچىگە كىردىم ، قىزىق ، ئىھرام ئىچىدە خۇددى يۈرۈكۈم ئۈچۈنلا قىزىلغاندەك بىر يۈرەك شەكىللىك قەبرە تۇراتتى . مەن يەنە ساماۋىي كۈچنىڭ تەسىرىدە قولۇمدىكى سۇقۇشتىن توختاپ ، كۆكۈرۈپ كەتكەن يۈرۈكۈمنى قەبرە ئىچىگە سالدىم . يۈرۈكۈمنى سىلىشىمغا قەبرە ئىتىلدى دە ، غايىپتىن بىر سادا كەلدى :
- بۇ يۈرەك سىنىڭ تەرىپىڭدىن ئەلئىھرامغا بەنىت قىلىندى ! . دىمەك ، مەن يۈرۈكۈمنى ئۆز قولۇم بىلەن ئەلئىھرامغا بەنىت قىلغان ئىدىم . شۇنىڭدىن باشلاپ مېنىڭ يۈرەكسىز تىنىم ئاللىبۇرۇن تىرىك مۇردىلار قەبرىستانلىقىنىڭ ئەزاسىغا ئايلانغان ئىدى !!!
2017-5-31
ئاپتۇرى : ئابدۇقەييۇمجان ( ئەختەر )
ئۈندىدار : 2041420589
98 قېتىم كۆرۈلدى | AHTAR | ئەسەر يوللىغۇچى : | |
2017-5-17 19:50:22 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|