قارىما ماڭا

 ئانارگۈل

 ئ‍ۆتمۈشتىن يۈرەككە ئ‍اڭلانسا تىۋىش ،
ئ‍ۆرتەيدۇ ئ‍ىچىمنى ئاچچىق ئ‍ىزتىراپ .
نىچۈنگە تەقدىرىم بۇنچە مۇرەككەپ ،
دىلىمدە قاينايدۇ ،خىيال ياتىسىراپ .

قەلبىمگە ئ‍ىز سالدى مەۋھۇم بىر يۈرەك ،
مۇزلىغان يۈرىكىم قالدى   تەمتىرەپ .
گەر كۆڭلۈم ئىنتىلىپ تۇرسىمۇ ئ‍اڭا،
رىئاللىق يول بەرمەس ھىجراندىن بۆلەك

ئ‍ۆتۈنەي سالمىغىن ماڭا سەن نەزەر ،
كۆزلىرىم جانسىزدۇر ،قارالماس بىقىپ.
ئ‍ەڭ شىرىن  ئ‍ۆلۈمدە ئ‍ۇزاتقىن  مىنى  ،
ئ‍ۆتمۈشۈم دىلىڭغا  سالمىسۇن  زەھەر .