چۈشۈمدىكى قىز

پاتىگۈل مۇھەممەد ياشنا

چوغ قوينىدا ئ‍ۇھسىنار نەپرەت،

 قورۇق باسقان كۆڭۈلگە قاراپ.

 تىنىقىمدا ياشىغىلى قوي،

نېمە قىلىسەن يېشىمنى سوراپ.

بەخىت بەرگەن ۋەدىنى ئ‍ۇنتۇپ،

 قاي ئ‍ۆيلەرنىڭ ئ‍ىشكىنى چەكتى؟

يانچە مېڭىپ كىرگەن خىياللار،

 ئ‍ۇتىۋالدى جانان كۆڭلىنى.

 پۇتلاپ قايغۇ كۈلكە ھىدىنى،

باھار كەلدى ،دەرەخ يالىڭاچ.

 سايراپ تىلىڭ كەتسىمۇ قاناپ،

سەندىن كۆڭلۈم قالدى قارلىغاچ.

ماغدۇر بەرگەن ھاسامنى كۆرۈپ،

 ياشلىق مەندىن شۇنچە تاندى تېز.

 تىقىپ قويغان سەۋىرنى كولاپ،

 قېچىپ كەتتى چۈشۈمدىكى قىز.