رۇبائىيلاردىن پارچە

ئەكبەر ئىدرىس ئەرچىن

باقسام زامان ھالىغا كەيىپ ئىشرەت ئاققۇدەك ،
خۇمسىلارغا بەل ئەگسە ھەر كىشىگە ياققۇدەك .
ھەسەل يىيىش تەس ئىكەن ھەرىسى بار كۆنەكتىن ،
يىيىش ئۈچۈن ئۇرۇنسا ھەرە كىلىپ چاققۇدەك .

مەردلىك ئىكەن ئاڭلىسام يات يولىنى تورىماق ،
قاملاشمىغان ئىش ئىمىش ياخشىلارنى دورىماق .
بىلمەي ئۆتسە ئاقىلمىش ئىزىپ قالسا يولىدىن ،
ھامەقەتلىك بولارمىش توغرا يولنى سورىماق .

كىملەرگىدۇ ئىيتارمىش ياخشى يامان گىپىنى ،
ئۇسۇل ئويناپ بىرەرمىش چىلىپ بەرسە دىپىنى .
قارلانغانلار ئاز ئەمەس بىرى تۈزگەن تۈزۈمدىن ،
تۇتماي تۇرۇپ ھەتتاكى گال پىچاقنىڭ سىپىنى .

شائىر ئۈچۈن تەس بولدى ئادالەتنى  كۈيلىمەك ،
قەرىزداردىن ھەم بەرگەن پۇللىرىنى سۈيلىمەك .
جاھان تەتۇر قىزلارنىڭ چىرايى پۇل يىگىت تۇل ،
تەس بوپ كەتتى ئۆيدىكى ئوغۇلنىمۇ ئۆيلىمەك .

سۆيگۈ دەيمىز بىز شۇنى لەۋنى لەۋگە يىقىشىپ ،
ھاياسىزلىق ئىلكىدە ئوڭ تەتۇرلار بىقىشقپ .
دوستنى ئۇنتۇپ كىتىمىز سۆيۈپ ئەيشۇ ئىشرەتنى ،
كۈندە ئۇچراپ تۇرساقمۇ قوللارنى چىڭ سىقىشىپ.

ياخشى كۈننىڭ يامىنى كىتىپ قالساق جاھاندىن ،
ئازاپ ئاشۇ بولمامدۇ بۇغداي ئالماي ساماندىن .
ئەزرائىلمۇ سىقتىغۇ تالاي قاتتىق بويۇننى  ،
نىمە قورقۇش خۇمسىدىن نامەردلەردىن ياماندىن .

ئەگىشىدۇ ئىزلىرىڭدىن مەرد پالۋان نام ئالساڭ ،
پۇختا قىلغىن ئاپەت يوق مەيلى ئاددى تام سالساڭ .
گالدىن ئۆتسە غەنىيمەت دىمە ئاشنى ئالدېراپ ،
قورساق ئسىپ ئۆلتۈرەر ھەر كاپامنى خام سالساڭ .

ئاتا ئانا ئۆلمىسە بىزمۇ مەڭگۈ ئۆلمەيتتۇق ،
جاھان شۇنداق بولمىسا بىزمۇ ساختا كۈلمەيتتۇق .
يات دىللىقلار ئۈگەتمەك  بولدى بۈگۈن دىلىنى ،
ئۆم ئىناقلىق بولسا ئەركىن بىز ئازادە يۈرمەمتۇق ؟

2016.يىلى 6.نويابىر كۈيتۈن