مەسنەۋىيلەر

ئەكبەر ئىدرېس ئەرچىن

ئىچ شاراپ ئۇخلا كەيىپتە بەڭگى ئوغۇللار ،
يوقاتقىن پۇل ماللىرىڭنى كۈلسۇن ئوغۇرلار .

ئايرىغىن سەن خوتەن ، مەن قەشقەر، ئۇ ياركەنتتىن دەپ ،
چاچ قىنىنى تەڭرىتاغقا، سۆڭىكىن غاجاپ، گۆشىنى يەپ .

خەجلە قوقماي ئاتاڭ دىر -دىر تىترەپ توڭۇپ تاپقان پۇلنى ،
داۋام قىل، يانما زىنھار، ئەيىش ئىشرەتلىك راھەت يولنى .

ئۆزگىلەر ئاسمان پەلەكتە ئۇچسا پەننى قانات قىلىپ ،
بىز يۈرەيلى ئورا كولاپ بىر نان تاپساق داپ چىلىپ .


نىمە كەپتۇ ياشلىقىدا كىتاب ئوقۇپ مەتو بولۇپ ،
تازا ئوينايلى پاتقاقتا كەتسەكمۇ ئويۇندا بىز سولۇپ .

ئارقىمىزدا تۇرسا ئاتىمىز تەڭرىتېغىدەك غادىيىپ ،
نىمە كەپتۇ پۇل مال تىپىپ ئاپتاپلاردا قارىيىپ .

بىز دىگەن مىھمان ئەمەس ، بولمايمىز جاندىن جۇدا ،
قىلايلى راسا گۇناھ كۆرمەيدۇ بۇنى ئەما خۇدا .

ئاجىزلارنىڭ بوپ كەتمىسۇن بۇ تۈگىمەس دۇنيا جاھان ،
يىقىتايلى مىسكىن غىرىبنى بولۇپ كۈندە پەھلىۋان .

نىمە كارىمىز ياۋا توڭگۇز چەيلىسە باغۇ چىمەننى ،
بىز قىسساق بولىۋىرىدۇ چىكىمىزگە تىكەننى .

بىز دىگەن « پالۋان ئۇيغۇر » كۈچ قۇدرەتلىك بىلىمسىزمۇ ،
يوقالمايمىز تەۋرەنمەيمىز دۇنيادىن ئىلىمسىزمۇ .

سۆزلە مۇئەللىم ، ئوينا ساۋاقداش كەلمەيدۇ ياشلىق  ئاداش ،
ياستۇقنى قىرلاپ ئۇخلايلى ئويغانمىدى غالىپ قۇياش …

    2016.يىلى 22.نويابىر  كۈيتۈن