ھايات دىگەن شۇنداق بولىدىكەن
ئابدۇقەييۇمجان ( ئەختەر )
ھايات دىگەن شۇنداق بولىدىكەن ، ئۇ ئۆزىنىڭ رەڭدارلىقى بىلەن سەن كۆرمىگەننى كۆرسىتىدىكەن، بىلمىگەننى بىلدۈرىدىكەن، قىلمىغانلىرىڭنى بولسا ئۈگۈتىدىكەن ، خۇددى « كۆرگىنىڭدىن كۆپتۇر كۆرمىگىنىڭ ، كۆرمىگەننى كۆرىسەن ئۆلمىگىنىڭ » دىگەندەك ....
ھايات دىگەن شۇنداق بولىدىكەن ، ىۇددى كىنو لىنتىسىدەك تىزلىكىگە قارىماي شۇنچە كۆپ كۆرۈنىشلەرنى ئىپادىلەپ بىرەلەيدىكەنكى ، ھەييات ، شۇ كىچىك كۆزلىرىڭ بىلەن كۆرۈپ ، چارچاپ ھالى قالمىغان كاللاڭ بىلەن ئويلاپمۇ ئويلاپ بولالمايدىكەنسەن ....
ھايات دىگەن شۇنداق بولىدىكەن ، ئىلگىرىكى ھەقەم سايىلىرىڭ بىشىڭغا كۈن چۈشكەندە بولسا شۇنچە ئالدىراش بولۇپ كىتىدىكەنكى ، بىر ئىغىز سۆز ، ھەتتا بىر دەم تىنىقىنىمۇ سەندىن ئايايدىكەن ، ئۇلارنىڭ ئالدىدا سەن بىر يۈك بولۇپ قالىدىكەنسەن ، شۇڭا ھىچ كىشىگە گەپ قىلماي خىيالنىڭ قۇلى بوپ ، خىيال ئىچىدە ياشايدىكەنسەن ……
ھايات دىگەن شۇنداق بولىدىكەن ، كۆرىدىكەنسەن ، كۆرىنىدىكەنسەن ، ھەتتا كۆرسىتىلىدىكەنسەن ، تۆكۈدىكەنسەن ، تۆكتۈرىدىكەنسەن ، تۆكتۈرۈلىدىكەنسەن ، قىلىدىكەنسەن ، قىلدۇرىدىكەنسەن ، قىپ قالىدىكەنسەن ، كۆندۈرىدىكەنسەن ، كۆنىدىكەن ، ئاخىرى كۆنىدىكەنسەن ، سۆيدۈرىدىكەنسەن ، سۆيىدىكەن ، ئاخىرى سۆيىدىكەنسەن ....
ھايات دىگەن شۇنداق بولىدىكەن ، شۇنچىلىك ساختا ، شۇنچىلىك سىرلىق ، سەللا دىققەت قىلمىدساڭ قۇيۇنلارغا يەم بولىدىكەنسەن ، ئاخىرى سىنى ۋىجدان سورىقى ئالدىغا تاشلايدىكەن ، سوراق قىلىنىدىكەنسەن ، كۆزۈڭدىن ئەمەس ، يۈرىكىڭدىن يىغلاپ تۇرۇپ ، لېكىن سۈرتۈپ قويۇشقا ھىچ كىشىنىڭ ۋاقتى يەتمەيدىكەن ، ۋاقتى يەتسىمۇ كۆڭلى يەتمەيدىكەن ....
ھايات دىگەن شۇنداق بولىدىكەن ، بەزى ئىشلارغا كۈلۈپ ، بەزى ئىشلارغا يىغلاپ ، بەزى ئىشلارغا « خەيىر » دەپ ئىنساپ بىلەن سەبىر تىلەپ ...
ھايات دىگەن شۇنداق بولىدىكەن ، ئاخىرى شۇنداق بىر كىشىنى نىسىپ قىلىدىكەنكى ، قەدىرلەيدىكەنسەن ، قەدىرلىنىدىكەنسەن ، ئۇنىڭ ھەر - ھەر ئىشلىرىغا بىلىپ بىلمەي رازىي بولىدىكەنسەن يەنە كىلىپ چىن كۆڭلىڭدىن ، قانچىلىك بەدەل تۆلىسەڭمۇ ، جاپا تارتساڭمۇ ئۇ بەخت بولۇپ بىلىنىدىكەن ....
شۇنىڭغا قاراپ ھەر قىسمەتلەرگە شۈكرى دەيدىكەنسەن ئىچىڭدە !!!
شۇنداق قىلىپ ھاياتتا ياشايدىكەنسەن ، ياكى ئۇ سەندە ياشايدىكەن ........
2017- يىلى 3-ئاينىڭ 25- كۈنى ، سەھەر ، ئۈرۈمچى
278 قېتىم كۆرۈلدى | AHTAR | ئەسەر يوللىغۇچى : | |
2017-3-26 6:03:19 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|