كۆڭۇل دىگەن كۆڭۇل ئىزدەيدۇ
ئاپتۇرى:رەھمىتۇللا تۇرسۇن

كىلىڭ دوستلار ئ‍ۇلپەت بۇلايلى،
ئ‍ۇلپەتلىشىپ ھال-مۇڭ بۇلايلى.
تۇگىمەيدۇ دۇنيانىڭ غېمى،
غەمدىن بىردەم خالى بۇلايلى.

تاپقان چاغدا ئ‍ەزىز دوستلارنى،
دەملەپ بېرەي ئ‍ەڭ ئ‍ىسىل چاينى.
ئ‍ەسكە ئ‍ېلىپ خۇرسەن بۇلايلى،
تەڭ ئ‍ولتۇرۇپ چاي ئ‍ىچكەن چاغنى.

مەيلى قەھۋە مەيلى زەپە چاي،
مەيلى يالپۇز مەيلى لىمۇن چاي.
كۆڭلۇمدىكى شۇ دوستلىرىمغا،
نىمە ئ‍ىچسە مەن شۇنى قۇياي.

گۆش يىگەندىن يالغۇز ئ‍ولتۇرۇپ،
دوستلار بىلەن سۈ ئ‍ىچكەن ياخشى.
ياخشى كۇرەر ياراتقۇچىمۇ،
دوستى ئ‍ۇچۇن سورون تۈزگەننى.

كۆڭۇل دىگەن كۆڭۇل ئىزدەيدۇ
چاي ئىچىشمەك باھانە خالاس.
دوستلۇق ئۇلى مۇستەھكەم بۇلار،
دوستقا ،دوستى قىلسىلا ئىخلاس.