كېلىدۇ دېمە
ئەزىز
بىر كۈنلىرى كېلىدۇ دېمە،
ئۇ بىر كۈنى كېتىشى مۇمكىن.
ياكى نۇر بوپ ئۇنىڭ سىماسى،
قارچۇقۇڭدا قېتىشى مۇمكىن،
بىر كۈنلىرى كېلىدۇ دېمە،
كۆز ياش بۇلۇپ كېلىشى مۇمكىن.
ئازاپلاردىن تولغۇنۇپ تۇيغۇڭ،
ئوتلىرىدا كۈيۈشۈڭ مۇمكىن.
بىر كۈنلىرى كېلىدۇ دېمە،
چۈشلىرىڭگە كىرىشى مۇمكىن.
ھېسلىرىڭنى ئوغۇرلاپ بىر پەس،
تاڭ سۈزۈلسە كېتىشى مۇمكىن.
بىر كۈنلىرى كېلىدۇ دېمە،
كىتاپلاردىن تېپىشىڭ مۇمكىن.
بارماقلىرىڭ سىلاپ قۇرلارنى،
كۆز ياشلىرىڭ ئېقىشى مۇمكىن.
بىر كۈنلىرى كېلىدۇ دېمە،
ئۇ كۆكلەردە بۇلۇشى مۇمكىن.
يۈزلىرىڭنى سۈيۈپ ئۆتكەندە،
شاماللاردىن تېپىشىڭ مۇمكىن.
20-ئۆكتەبىر
44 قېتىم كۆرۈلدى | alsoz | ئەسەر يوللىغۇچى : | |
2017-3-2 22:23:10 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|