تويۇڭغا مۇبارەك
گۈلزىرە مەخمۇت
تويۇڭدا كۆرۈپ سېنى يۈرىكىم ئوينىدى ،
مۇبارەك بولسۇن ،ھەريەردىن سازلار قاينىدى .
ھەمراھ بولالمىساممۇ ساڭا تىلەيمەن بەخت ،
سەندىن يىراق تۇرسۇن قايغۇ ھەم ئەلەم .
ئاق كۆينەك يارىشىپتۇ بولۇپ كېتىپسەن لاتاپەتلىك ،
يۈرىكىڭدىن ئۇرغۇپتۇ خۇشاللىق يۈرۈش-تۇرۇشۇڭ نازاكەتلىك .
دەيمەن ساڭا، سەن دۇنيادىكى ئەڭ گۈەل كېلنچەك ،
سىياقىڭ بولۇپ قالدى ئابىدە، چۈنكى سەن ئەڭ گۈزەل كېلىنچەك .
قەدەم تاشلىدىڭ يېڭى بىر تۇرمۇشقا ،
ئاۋايلاپ باسقىن قەدىمىڭنى ھەرئىشتا .
تەبەسسۇمىڭ ئۆچمىسۇن، كۈلۈپ يۈرگىن ،
ياخشى كېلىن بولۇپ بەختلىك ئۆتكىن .
تۇرمۇشتا قايغۇ بىلەن خۇشاللىق قوشكېزەك ،
بىر كۈلكە بىر يىغا ھەم سەۋر قىلىش كېرەك .
كېلىنىلىك بۇرچۇڭ ئېسىڭدە بولسۇن ،
ياخشى نام ، ياخشى ئەمەل نېسىپ بولسۇن .
كۆڭۈلدىن سۇ ئىچەر كۆڭۈل ،
كۆڭۈل نازۇك نەرسە ، مىجەزىڭ بولسۇن ئېسىل .
ئادەمگەرچىلىك قېرىمايدۇ ياخشىلىق كۆكلەيدۇ ،
ئەپۇچان ھەم ئېغىر بول ، ھەممە يۆلەيدۇ .
ھەۋەس بىلەن قارايمەن ، بەختىڭگە كۆز تەگمىسۇن ،
تىلەيمەن تىلىكىم شۇكى ، يامانلاردىن يىراق قىلسۇن .
ئەخلاق ئادەم زىننىتى ، بۇ ئېسىڭدە بولسۇن ،
ئەخلاقنى ھەممە خالايدۇ ، مىجەزىڭ ئېسىل بولسۇن .
بەختلىك بولغىن ، ئۆمۈرلۈك بولسۇن نىكاھىڭ ،
ھەممە كۈلسۇن ، خۇشاللىققا چۆمسۈن ، بۇ سېنىڭ تويۇڭ .
تۆت قۇلاق قەلىمىدىن
2016-يىلى 26-نويابىر
52 قېتىم كۆرۈلدى | sansiz99 | ئەسەر يوللىغۇچى : | |
2016-11-26 1:18:20 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|