گۈللەر مەڭگۈ سۇغىرىلىشقا مۇھتاج
(نەسىر)
گۈلپىيە ئەخمەت خاسنۇر
ئېسىڭدىمۇ ؟ ھېلىھەم ئېسىمدە تۇرۇپتۇ،بىر كۈنى سەن قۇلۇقۇمغا يىنىك پىچىرلاپ تۇرۇپ ”سەن مىنىڭ تاللىۋالغان گۈلۈمسەن ، مەن بىر ئۆمۈر ھاياتىم بىلەن سېنى پەرۋىش قىلىمەن “ دىگەنىدىڭ مەن ئاناردەك قىزىرىپ خىجىللىقتىن بىشىمنى كۆتىرەلمەي يەرگە قاراپ جىم تۇرىۋالغىنىمدا بولسا مىنى خىجىل قىلماي دەپ باشقا گەپكە يۆتكىۋالغانىدىڭ .ئاشۇ چاغدا قەلبىمنى تەسۋىرلىگىلى بولمايدىغان شىرىن ھېسلار چۈمكىگەنىدى .
توغرا سەن مىنى گۈلۈم دەپ بىلەتتىڭ ، خۇددى تىكەن ئەتىگۈل بەرگىسىنى شامال ، قۇم -بورانلاردىن ساقلىغاندەك ھەر ۋاقىت مېنى قوغداشقا تەييار تۇراتتىڭ ، ھاياتىمغا بۆسۈپ كىرگەن شۇ دەقىقىلەردە مەن ئۆزۈمنى دۇنيادىكى ئەڭ بەخىتلىك گۈللەرنىڭ بىرى ھېسابلايتىم ، دېمىسىمۇ مەن بەخىتلىك ئىدىم ، سەن بولغاچقىلا مەن ھەر قېتىملىق تەبئىي ئاپەتلەردىن ساق سالامەت قۇتۇلۇپ قالاتتىم ، ئەسلى مەن بىر يىگانە گۈل ئىدىم ، مەن تەشتەكتە ئۆسكەن ئاجىز گۈللەردىن ئەمەس ئىدىم ، مەن دېھقاننىڭ ياڭراق ئەمگەك ئاۋازى كەتمەيدىغان يىراق دالىلاردا ئۆسكەن گۈل ئىدىم ، سەن مېنى بايقىغانىدىڭ ، ھېچقاچان مىنى تەشتەكتە ئۆسكەن ئاشۇ بىر بىرىدىن چىرايلىق گۈللەر بىلەن سېلىشتۇرمايتىڭ ، سەن دائىم ئاددى ساددىلىقىڭنى ، پاك قەلبىڭگە ئاشىقمەن دەيتىڭ … مەنمۇ سېنىڭ ئويچان كۆزلىرىگە ، غەيرەت شىجائەتكەن تولغان بىر جۈپ قاپقارا كۆزلىرىڭگە ئاشىق ئىدىم .
كۈنلەر شۇنداق داۋام ئەتمەكتە ئىدى ، سۇدىن ئايرىلسا گۈللەرمۇ قۇرۇپ قالاتتى ، خۇددى مەنمۇ سەندىن ئايرىلسام ئۆزۈمنى يوقىتىپ نىمە قىلارىمنى بىلەلمەي قالىدىغاندەك ھېس قىلاتتىم .گاھى كېچىلەردە تۇيۇقسىز چۆچۈپ ئويغىنىپمۇ كېتەتتىم ، قوللىرىم دۇئادا ، قەلبىم زىكىردا ئىدى ، ئامان ئېسەنلىكىڭنى، پاك مۇھاببىتىڭنىڭ ئۆزگىرىپ قالماسلىقىنى تىلەيتىم … تەقدىر ماڭا تولىمۇ بىمەنە چاقچاق قلغانىدى ، مەن بىر تال بەرگىمدىن ياشلا ئايرىلىپ قالدىم ، سەن بەرگىسىز گۈلنى بۇرۇنقىدەك ياخشى كۆرەلمىدىڭ ، پەرۋىش قىلىشنى خالىمىدىڭ ، بەزى چاغلاردا نىمىشقىدۇر سەندىن ئايرىلىپ قالىدىغاندەك ھېس قىپ قالاتتىم ، شۇنداق چۈشلىرىمنىڭ كۆپىيىشىگە ئەگىشىپ سەنمۇ بۇرۇنقىدەك ماڭا كۆيۈنمەس بولدۇڭ ، قىسقىسى سەن گۈلۈڭنى سۇغۇرۇشنى ئۇنتۇپ قالغانىدىڭ ، گۈلۈڭ كۈندىن كۈنگە سولىشىپ قۇرۇشقا ئاز قالغاندا بولسا ئاندىن ئۆزۈڭنىڭ بۇرۇن ئېيتقان ئاشۇ سۆزلىرىڭگە بولسا ئەمەل قىلالمىغىنىڭنى چوڭقۇر ھېس قىلغانىدىڭ، ئەمما سەن تولىمۇ كېچىككەنىدىڭ ، ئىسمىمنى توۋلاپ ئۆزۈڭمۇ بىلىپ مەڭزىڭدىن ياش تامچىغان شۇ كۈنى كەچ مەن بۇ دۇنيادىن ئايرىلدىم ، بارچە ئازاپنى يەلكەمگە ئارتىپ بۇ دۇنيادىن جىممىدە كىتىپ قالدىم .شۇ كۈندىن تارتىپ ساڭا تەۋە بولغان مەن قىسقىسى سەن تاللىۋالغان گۈلۈڭ قۇرىغاندى ، مەيلى ئۇنىڭغا قانچە ئەجىر قىل سۇغۇرغىن ، ئوغۇتلا ئەمدى ھېچقانداق ئۈنۈمى كۆرۈلمەيتى …
توغرا ، مەن ئۆزۈمنىڭ ساڭا يۈك ئىكەنلىكىمنى ھېس قىلغان ئاشۇ كۈندىن باشلاپ قەلبىم ئۆلگەنىدى ، يىلتىزىم بولسا ئاستا ئاستا قۇرۇشقا باشلىغاندى ، ئەمما سەن بۇنى پەقەتلا ھېس قىلىپ يەتمىگەنىدىڭ ، خەير ئەمدى مەڭگۈلۈك سېنىڭدىن ئايرىلىدىغان بولدۇم ،ئاخىرقى تىنىقلىرىمدا بولسا مۇشۇ سۆزلەرنى قىلىۋىلىشقا ئىجازەت بەرسەڭ ، "گۈل مەڭگۈ سۇغۇرۇشقا مۇھتاج ئىدى ، ئەمما سەن ئۇنى ئۇنۇتتۇڭ ، بۇنى سەندىن كۆرمەيمەن يەر تىگىدىكى مۇزدەك تۇپراق ئاستىدا تۇرۇپ ساڭا خۇشاللىق تىلەيمەن ، ئۆزۈڭنى ئاسرا ".
150 قېتىم كۆرۈلدى | hasnur | ئەسەر يوللىغۇچى : | |
2017-4-24 19:35:47 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|