تەسەللىي

  ئەكبەر ئىدرىس ئەرچىن

ئېسىمدە ھېلىمۇ بالىلىق چېغىم ،
سەبىيلىك ئورنىغان ئاق قاردەك دىلىڭ .
نەچچە قىش ئايازنى ئۆتكۈزسەم سەنسىز ،
كەل ئەكبەر دېيىشكە كەلمىدى تىلىڭ.

تەڭرىم ئۇ قوشنا قىپ ياراتقان بىزنى ،
قاچقۇن قەلبىڭنى خىيالىمنىمۇ ھەم .
كەتتىڭ تۇيۇقسىز يىنىمدىن ئۈنسىز ،
قالدۇرۇپ يۈرەكتە مىليون قايغۇ غەم .

چۈشلەر بىرىدۇ كۆڭلۈمگە دەرمان ،
چۈشۈمدە زاھىر نۇرلۇق سىمايىڭ .
ئازاب يوق زىنھار شۇ چاغ ئاھ جېنىم ،
شۇنچە ئىللىق ھەر بىر نىگاھىڭ .

رېئاللىق ھۇۋلايدۇ تەقدىر كۆكىدە ،
خىيالىم مىسالى بىر پىنھان كېچە .
ئەندىشە قىلاتتىم چوغ سېلىۋېلىشىدىن،
قەلبىڭگە يات بىراۋنىڭ ئوتۇم كۆيگۈچە .

كۆزۈمدە يىغلىماقتا تونۇش ھېكايە ،
سەن بۇنداق سۆيۈشنى كىمدىن ئۆگەنگەن .
دەريالىرىڭدا  ئاتەشمەن چوغمەن ،
بولدۇم سەرگەردان ئىشقىڭدا ئۆلگەن .

ئارمىنىم سەن بىلەن ۋىسالغا يەتمەك ،
سۆيىسەن مېنى بىلىمەن گۈلۈم.
ھاياتىم روھسىز تەننىڭ ئىلكىدە ،
سەنسىز ھەر كۈنۈم ، ئۆلۈم ئاھ ئۆلۈم .…

2016. يىلى 2.نويابىر كۈيتۈن