كۆزلىرىمدە قويدۇم ئۇزىتىپ

مۇكەررەم ئەخمەت

بىر پارچە ئوت كۆيدى لاۋۇلداپ،

 سەن خوش دىگەن ئاشۇ دەقىقە .

كۆزلىرىمدە قويدۇم ئۇزىتىپ ،

 يۈرىكىمدە قالدىڭ ئەبەدكە.

 يەنە پىنھان قالدى يۈرەكتە ،

 دىيەلمىدىم كۆڭۈل سىرىمنى .

 ئۆزئۆزەمنى بەزلىدىم يەنە ،

 قارغىش ئويلار ئەزدى دىلىمنى .

كۆزلىرىڭگە چۆككۈم بار ئىدى ،

 مۇڭلىرىڭغا جۆر بولۇپ ھەردەم.

 پەقەت شۇلا كۇپايە ئىدى ،

 كۆزلىرىڭدە ئەكسىمنى كۆرسەم .

 تىلىسەممۇ بەخىتلەر ساڭا ،

 قويماس كۆڭلۈم سەندىن كىچىشكە .

 يۈرىكىمدە يارقىن بىر ئارزۇ ،

رۇجەكلەردىن مارىلار يەنە .

يۈرىكىمنىڭ خوشلاشقۇسى يوق ،

 كۈلۈپ تۇرۇپ خوش دىدىم يەنە .

 كۆزلىرىمدە قويدۇم ئۇزىتىپ ،

يۈرىكىمدە قالدىڭ ئەبەدكە.